Malakanyang, umapela sa mga jeepney drivers, operators na huwag suspendihin ang operations ngayong linggo
- Published on June 8, 2022
- by @peoplesbalita
SA gitna ng nagpapatuloy na pagsirit ng presyo ng langis, umapela ang Malakanyang sa public utility jeepney (PUJ) drivers at operators na huwag nang ituloy ang kanilang plano na tigil-pasada o isuspinde ang nationwide jeepney operations ngayong linggo.
“Nanawagan kami sa mga tsuper at mga operator ng mga jeep na huwag ituloy ang kanilang planong tigil pasada ngayon linggo,” ayon kay Acting presidential spokesperson at Communications Secretary Martin Andanar sa isang kalatas.
Tiniyak nito na ginagawa naman ng pamahalaan ang lahat ng makakaya nito upang pagaanin ang epekto ng tumataas na presyo ng langis sa sanhi ng ‘tight supply’ sa global oil market.
Binanggit nito ang patuloy an pagsisikap ng pamahalaan na i-roll out ang fuel subsidy ng Department of Transportation para sa mga beneficiaries.
“Nasa mahigit 180,000 public utility vehicle operators ang nabigyan na ng fuel subsidy, as of June 1, 2022, ayon sa Land Transportation Franchising and Regulatory Board,” dagdag na pahayag nito.
Sa ulat, matagal nang nagrereklamo ang mga jeepney drivers at operators ukol sa patuloy na pagtatas sa presyo ng langis lalo pa’t nakasandal lamang ito sa kanilang pang-araw- araw na trabaho.
Ayon sa transport group Pinagkaisang Samahan ng Tsuper at Operator Nationwide, karamihan sa mga PUJ drivers ay kumikita lamang ng P300 kada araw o sapat na kita para ipakain sa kanyang pamilya. (BISHOP JESUS “JEMBA” M. BASCO)
-
Bilang ng mga walang trabaho sa bansa, bumaba sa 2.76M – PSA
NAKAPAGTALA ang Philippine Statistics Authority (PSA) nang pagbaba sa bilang ng mga Pilipinong walang trabaho sa unang bahagi ng taong ito. Ito ay sa gitna pa rin ng patuloy na pagrecover ng bansa mula sa naging epekto ng COVID-19 pandemic. Sa idinaos na press conference ng naturang kagawaran kaninang […]
-
US Embassy sa Ukraine pansamantalang isasara
INANUNSYO ni US Secretary of State Antony Blinken na kanila ng isasara ang US Embassy sa Kyiv, Ukraine dahil sa patuloy na pagdami ng puwersa ng Russian forces sa border ng nasabing bansa. Dagdag pa nito na pansamantalang ililipat naman ang maliit na bilang ng mga diplomatic personnel sa Lviv City sa nasabing […]
-
Chua nahugot ng NLEX sa Phoenix
NAGDAGDAG ng puwersa sa shaded lane ang NLEX matapos kunin si center Justin Chua mula sa Phoenix at ibinigay si forward Kris Porter bukod sa dalawang draft picks. Ang 6-foot-7 na si Chua ay nagtala ng mga averages na 5.3 points at 2.5 rebounds para sa kampanya ng Fuel Masters sa PBA Governors’ […]