Hindi na ‘pichi-pichi’ ang mga kalaban sa SEAG- Barrios
- Published on June 11, 2022
- by @peoplesbalita
NAKITA sa nakaraang 31st Southeast Asian Games na hindi na basta-basta ang mga kalaban ng Gilas Pilipinas.
Yumukod ang mga Pinoy cagers sa Indonesia, 81-85, sa gold medal round ng Vietnam SEA Games kung saan nagwakas ang 13 sunod na paghahari ng Pilipinas at ang 33 taong pagdomina sa biennial event.
“Hindi na ganoon ka pichi-pichi iyong kalaban. Ngayon iyong mga kalaban natin sa men’s kailangang pagtuunan ng pansin,” ani Samahang Basketbol ng Pilipinas (SBP) executive director Sonny Barrios. “The value of scouting opposition is also a lesson learned.”
Tinapos ng Indonesia ang torneo bitbit ang 6-0 record kasunod ang 5-1 marka ng Gilas Pilipinas na minandohan ni coach Chot Reyes ng TNT Tropang Giga.
Si 6-foot-10 Marques Bolden, naglalaro para sa Salt Lake City Stars sa NBA G League at produkto ng Duke Blue Devils sa US NCAA Division 1, ang naturalized player ng Indonesia.
“The composition of our team, fielding the best that we can, is always of utmost importance para iyong cohesion and prepa-ring for extended period of time mas maganda,” ani Barrios.
Naglaro para sa Gilas sina six-time PBA MVP June Mar Fajardo at Mo Tautuaa ng San Miguel, Kiefer Ravena ng NLEX, Matthew Wright ng Phoenix, Troy Rosario, RR Pogoy at Kib Montalbo ng TNT.
Ngunit halos isang buwan lamang sila nakapag-ensayo bago sumabak sa Vietnam SEA Games.
“Mas matagal, mas maganda,” wika ni Barrios.
-
UNANG BABAENG MAYOR NG MAYNILA MAYOR HONEY LACUNA PANGAN
Binabati ng lahat ng pamunuan/Editorial Staff ng People’s Balita ang lahat ng bagong halal noong nakaraang eleksyon 2022 sa pangunguna ni Mayor Honey Lacuna Pangan at Vice Mayor Yul Servo Nieto at mga Congressman sa unang Distrito Congressman Ernix Dionisio, ikalawang distrito Congressman Rolan Valeriano, ikatlong distrito Congressman Joel Chua, ikaapat na distrito Congressman Edward […]
-
TD ni Curry tunaw sa Heat
NAGSALPAK si Jimmy Butler ng limang sunod na puntos habang kumamada si Max Strus ng 24 markers sa 116-109 pagsunog ng Heat sa nagdedepensang Golden State Warriors. Tumapos si Butler na may 23 points at may 19, 17 at 13 markers sina Bam Adebayo, Duncan Robinson at Kyle Lowry, ayon sa pagkakasunod, para […]
-
Jabeur makakaharap si Rybakina sa finals ng womens singles ng Wimbledon
PASOK na sa finals ng Wimbledon si Ons Jabeur. Ito ay matapos na talunin si Tatjana Maria sa score na 6-2, 3-6, 6-1. Dahil dito ay nagtala ang Tunisian player ng kasaysayan sa Wimbledon na siiyang unang Arab o North African woman na naglaro sa semifinals ng grand slam. […]