Bulacan, nagsagawa ng job at livelihood fair sa Araw ng Kalayaan
- Published on June 13, 2022
- by @peoplesbalita
LUNGSOD NG MALOLOS – Libu-libong mga bakanteng trabaho ang naghihintay para sa mga Bulakenyo dahil magsasagawa ang Pamahalaang Panlalawigan ng Bulacan sa pamamagitan ng Provincial Youth, Sports and Public Employment Service Office ng ‘Job and Business Fair (Local and Overseas)’ sa Bulacan Capitol Gymnasium kahapon Hunyo 12, 2022, ika-9:00 ng umaga kasabay ang pagdiriwang ng ika-124 Araw ng Kalayaan ng Pilipinas.
May temang “Trabaho, Negosyo, Kabuhayan: Pagsuong sa Hamon ng Panibagong Bukas”, mahigit 78 employers ang nakiisa na mayroong hatid na 11,000 na bakanteng trabaho bilang bahagi ng Department of Labor and Employment (DOLE) Independence Day Fair.
Hinikayat naman ni muling nahalal na Gobernador Daniel R. Fernando ang mga Bulakenyo na samantalahin ang job and livelihood fair.
“Sa darating na Linggo ay ipagdiriwang natin ang kasarinlan nating mga Pilipino; ang Araw ng Kalayaan. Kasabay ng araw na ito ay ang pagbibigay sa atin ng oportunidad na malayang mamili ng mga trabaho na aangkop sa ating mga kakayahan. Sana ay huwag ninyo itong palampasin at makiisa para sa pag-unlad na rin ng ating mga sarili,” anang gobernador.
Samantala, pangungunahan din ni Fernando ang pagtataas ng watawat at pag-aalay ng bulaklak sa harap ng bantayog ni Hen. Emilio Aguinaldo sa makasaysayang bakuran ng Simbahan ng Barasoain, ganap na ika-9:00 ng umaga upang gunitain ang ika-124 na Araw ng Kalayaan ng Pilipinas na nakaangkla sa temang “Kalayaan 2022: Pagsuong sa Hamon Ng Panibagong Bukas (Rise Towards The Challenge Of A New Beginning)”. (BISHOP JESUS “JEMBA” M. BASCO)
-
Nagpaabot ng tulong ang Senator Pacquiao Foundation sa 3,000 biktima ng pagbaha sa Rizal
Personal na binisita ni Pambansang Kamao Senador Manny Pacquiao ang ating mga kababayang Rizaleño mula sa San Mateo, Montalban at Brgy Mayamot sa Antipolo na napinsala ng bagyong Ulysses. Nagpaabot ng tulong ang Senator Pacquiao Foundation sa 3,000 biktima ng pagbaha. Ang bawat isa ay tumanggap ng family packs na naglalaman ng mga pagkain […]
-
PNP, umapela sa mga nagnanais magkasa ng mga kilos protesta na gawin ito sa tamang lugar
IGINAGALANG ng Philippine National Police o PNP ang karapatan ng bawat Pilipino na maghayag ng kanilang saloobin, salig sa itinatadhana ng Saligang batas. Ito’y kasunod ng mga banta ng iba’t ibang grupo na magkilos protesta para tutulan ang isang partikular na kandidato na lumalamang ngayon sa bilangan. Ayon kay PNP Director […]
-
Nakagugulat din ang chemistry nila ni Xian: RYZA, ‘di na maaaring pagtaasan ng kilay ngayon bilang aktres
SA aming personal na opinyon, hindi na maaaring pagtaasan ng kilay ngayon si Ryza Cenon bilang aktres. Pinatunayan niya na kaya niyang maging mahusay na artista sa napaka-epektibo niyang portrayal bilang si Aurora (taong 1900), Belen (taong 1950) at Elly (year 2020) sa pelikulang ‘Sana Muli1 ng Viva Films. Matagal na naming kilala si Ryza, […]