UAAP crown sinakmal ng NU
- Published on June 23, 2022
- by @peoplesbalita
NAKUMPLETO ng National University ang matamis na 16-0 sweep upang matagumpay na masungkit ang kampeonato sa UAAP Season 84 women’s volleyball tournament.
Nagawa ito ng Lady Bulldogs matapos patumbahin ang De La Salle University, 25-15, 25-15, 25-22, sa Game 2 ng best-of-three championship series kagabi sa Mall of Asia Arena sa Pasay City.
Muling nagsanib-puwersa ang top hitters ng Lady Bulldogs sa pangunguna nina Mhicaela Belen, Princess Robles, Alyssa Solomon, Ivy Lacsina at Sheena Toring para tuldukan ang ilang dekadang pagkauhaw ng kanilang tropa sa korona.
Ito ang unang titulo ng Lady Bulldogs sapul noong 1957. Sa kabuuan, may tatlong titulo na ang NU sa liga.
Maliban sa 1957 season at sa 2022 season, nagreyna rin ang Lady Bulldogs noong 1954.
Ang NU rin ang ikatlong koponan sa UAAP Final Four era na naka-sweep sa buong season.
Una itong nagawa ng La Salle noong Season 67 na sinundan ng Ateneo de Manila University noong Season 77.
Inilagay naman ni Belen ang kanyang pangalan sa kasaysayan ng UAAP nang hablutin nito ang Rookie of the Year at Most Valuable Player awards.
Si Belen ang kauna-unahan nakagawa nito sa women’s division ng liga.
Maliban sa ROY at MVP, napasakamay din nito ang First Best Outside Hitter trophy.
Nasa No. 1 ito sa service area (0.47 per set), No. 3 si Belen sa scoring matapos makalikom ng kabuuang 203 points sa eliminasyon, No. 2 sa spiking (38.96 percent success rate), No. 8 sa digs (2.38 per set), No. 6 sa reception (40.85 efficiency rate).
Umani rin ng individual awards ang kapwa NU players nitong sina Camilla Lamina (Best Setter), Alyssa Solomon (Best Opposite Spiker), Jennifer Nierva (Best Libero) at Sheena Toring (Second Best Middle Blocker).
Ang iba pang awardees ay sina Faith Nisperos ng Ateneo de Manila University (Second Best Outside Hitter) at Thea Gagate (First Middle Blocker).
Itinanghal na Finals MVP si Robles.
-
PhilHealth: Membership database ‘di napasok ng ’Medusa’ cyber attack
TINIYAK ng Philippine Health Insurance Corporation (PhilHealth) na ang kanilang membership database ay hindi naapektuhan ng naganap na Medusa ransomware attack, na naging sanhi upang mapilitan ang ahensiya na i-shutdown muna ang kanilang online systems. Sinabi ni PhilHealth president at CEO Emmanuel Ledesma Jr. na hindi nagalaw ng hackers ang kanilang membership […]
-
Posibleng pagtatrabaho ni PDu30 sa ilalim ng Marcos administration, no legal impediment- Malakanyang
MAAARING magtrabaho si Pangulong Rodrigo Roa Duterte sa ilalim ng papasok na administrasyon ni President-elect Bongbong Marcos Jr. “There is no legal impediment in the event that the President accepts an offer to serve under the Executive branch in a Marcos administration,” ayon kay deputy Presidential Spokesperson Kris Ablan. […]
-
JENNICA, tinatarayan ang mga bashers na nag-iisip na gumigimik lang sila ALWYN
ANG haba ng paliwanag ni Jennica Garcia sa kanyang Instagram account dahil sa isa o dalawang netizens na kinontra ang post niya. Nag-post kasi si Jennica na tipong isinama siya ng tropa niya, pero parang sa couple’s trip daw pala at siya lang ang walang lovelife. Madali naman talagang mai-imply ng […]