Air assets ng gobyerno, ipinag-utos ni PBBM na gamitin para makapaghatid ng tulong sa mga apektado ng lindol

KAAGAD na ipinag-utos ni Pangulong Ferdinand Marcos Jr. na gamitin ang  air assets ng gobyerno para mabilis na mahatiran ng pagkain ang mga apektadong residente

Ang air assets ay isa sa  mga pangunahing kailangan ng mga tinamaan ng lindol.

Sinabi ni Pangulong Marcos na  kailangan ang mabilis na paghahatid ng suplay ng tubig at pagkain at maging ang  tulong pinansiyal na dapat maibigay sa mga residenteng apektado ng malakas na paglindol.

Sa kabilang dako, layon din ng  Punong Ehekutibo na matiyak na  ang mga nasa malalayong lugar na mahirap hatiran ng tulong ay maaabot sa pamamagitan ng air assets.

Sa kabilng dako, ilan naman din sa naging direktiba ng Chief Executive  partikular sa DPWH ay mabilis sanang mabuksan ang mga lansangan habang dapat din aniyang unahin sa pag-iinspeksiyon ang mga ospital at mga health centers tsaka na lamang isunod ang mga government buildings at mga kabahayan.

Samantala, nanawagan naman Pangulo sa National Government na makipag-ugnayan sa mga lokal na pamahalaan para maiwasan ang pagkukulang o pag-uulit ng mga kailangang tulong  ng mga naapektuhan ng nangyaring kalamidad. (Daris Jose)