May pa-surprise birthday party sa kanya sina Rhian: MAX, wish na magka-international project kaya nag-audition sa Amerika

NASURPRESA ang lahat ng mga nakarinig na para sa isang batikang aktres at the same time, mahusay na director na si Gina Alajar nang aminin nito na kinakabahan siya portraying the role of Lola Joy in “Start-Up Ph.”

Ito ang GMA Network’s adaptation ng Korean drama na “Start Up.” May mga kumuwestiyon kay Direk Gina during the online mediacon. Parang hindi naman daw siguro totoo na kinakabahan pa ito sa husay niyang actress.

Pero napa-‘on point,” at “tama” siya nang sabihin namin sa kanya na parang nage-get namin kung saan nanggagaling ang kaba niya. Dahil ‘yung role na ginagampanan niya ngayon ang maituturing na pinaka-importante, if not, ang puso ng “Start-Up Ph.”

Ang role kasi niya ang naging well-loved character ng drama. Lalo na ‘yung mga eksena nila rito ni ‘Good Boy’ na gagampanan naman ni Alden Richards.

Sabi ni Direk Gina, “Tamang-tama, you hit the point! Kasi, there will be comparison. Lalo na sa mga nakapanood. Tama ka, well-loved si Mrs. Joy.

“Actually, maraming nagsasabi nga na siya ang buhay ng ‘Start-Up’, puso ng ‘Start Up’, so ‘yon, the pressure comes from there. Will I be able to do the same, will I be able to give the heart? Gano’n kaya ang mangyayari?”

Sabi naman namin sa kanya, positibo naman kami na makikita ng mga manonood ito with her acting ability na lang.

***

NAGKAROON ng pa-surprise birthday party para kay Max Collins ang mga kaibigan niya, kabilang na rito ang isa pinakamalapit niyang kaibigan ngayon na si Rhian Ramos.

Ang alam daw ni Max, mag-staycation lang sila sa Okada Manila, pero pagpasok niya, naka-set-up ito, with all her friends at may mga paandar pa. May Marina Summers din na inimbitahan.

Naka-chat namin si Max at masayang-masaya nga raw siya. Sey niya, “My friends surprised me with intimate part at Okada, I was so happy that Marina Summers from Drag Race Philippines performed pa.”

Sa ngayon, kung may birthday wish daw si Max, talaga ang gusto niya ay sana raw, magkaroon siya ng international project this year. Few months back nga, nag-audition din siya sa U.S.

Pero ayon din kay Max, meron daw siyang exciting project na paparating, pero confidential pa. Pero goal niya ay makagawa pa ng maraming films at mas mag-grow as an artist.

Ang asawa at matagal na nababalitang kesyo hiwalay na sila na si Pancho Magno ay nag-greet naman sa Instagram nito kay Max na, “Happy Birthday Mommah.”

Nireplayan ito ni Max ng tatlong hearts emojis.

(ROSE GARCIA)