Dengue cases tuloy sa pagsirit
- Published on September 1, 2022
- by @peoplesbalita
PATULOY ang pagtaas ng mga kaso ng dengue sa bansa nang maitala na ito sa 118,785 mula Enero 1 hanggang Agosto 13, ayon sa Department of Health (DOH).
Mas mataas ito ng 143% kumpara sa mga naiulat na kaso sa parehong period noong 2021 na nasa 48,867 lamang noon, ayon kay DOH officer-in-charge Undersecretary Maria Rosario Vergeire.
Pinakamaraming naiulat na kaso ng dengue sa Region III na may 21,247 kaso o 18%, kasunod ang Region VII na may 11,390 kaso o 10% at ikatlo ang National Capital Region na may 11,064 o 9%.
Mula nitong Hulyo 17 hanggang Agosto 13, nasa 19,816 kaso ng dengue ang naitala kung saan pinakamataas sa Region 3 na may 3,457, kasunod ang NCR na may 3,131 at CAR na may 2,106 kaso.
Nabatid rin na anim sa 17 rehiyon sa bansa ang lumagpas na sa ‘epidemic threshold’ sa nakalipas na apat na linggo. Kabilang dito ang Regions II, III, CALABARZON, MIMAROPA, CAR, at NCR. (Daris Jose)
-
CONTAINER VAN, GAGAWING ISOLATION FACILITIES SA NAVOTAS
MINAMADALI na ng mga manggagawa ang pagsasa-ayos ng 30 40-footer container van na nasa loob ng Centennial Park sa Navotas City upang magsilbing karagdagang isolation facilities na ilalaan sa mga may mild cases ng COVID-19 sa lungsod. Una na kasing iniulat ng City Health Deparment kay Mayor Toby Tiangco na puno na ang dalawa […]
-
Super Tekla at Michelle, nagkaayos na pagkatapos ng matinding kontrobersya
NAGKAAYOS na sina Super Tekla (Romeo Librada) at Michelle Lhor Bana-ag base na rin sa kuwento ng nanay ng anak ng komedyante sa programa ni Raffy Tulfo. Bago nangyari ang pagbabati ay nakatakdang sumalang sa drug at lie detector test si Michelle para malaman kung nagsasabi siya ng totoo bago niya sampahan ng kaso […]
-
Panaga idinagdag na ng Creamline Cool Smashers
MAKARAANG kumawala sa Petro Gazz Angels via free agency, pinapirma ng Creamline Cool Smashers nitong Martes ang kalibre ni veteran player Jeanette Panaga bilang paghahanda sa Premier Volleyball League (PVL) sa Abril. Araw ng Linggo nang kumawala mula sa Petro Gazz Angel ang 25-year-old, six-footer middle blocker kasama ang apat na iba pa mga […]