Pacquiao patok sa South Korea
- Published on October 14, 2022
- by @peoplesbalita
MALA-rock star ang pagtanggap ng South Korea kay eight-division world champion Manny Pacquiao na kasalukuyang nasa Seoul para sa promotions ng exhibition match nito.
Kasama ni Pacquiao sa pagpo-promote si Korean YouTuber DK Yoo para sa kanilang bakbakan sa Disyembre 10 na idaraos sa naturang bansa.
Mainit ang pagtanggap ng South Korean fans kay Pacquiao na dinudumog ng mga tagahanga nito doon.
Sa katunayan, nakatakdang maging guest si Pacquiao sa South Korean variety program na Knowing Bros.
Idaraos ang taping ng episode ni Pacquiao ngayong araw ngunit wala pang petsa kung kailan ito ipalalabas sa buwan na ito.
Makakasama ni Pacquiao sa episode sina South Korean actors Lee Hoon at Yoon Hyung-bin, Kim Yo-han ng Kpop boy group WEi at Sandara Park na dating sumali sa Star Circle Quest sa Pilipinas.
Mas kilala na si Sandara sa tawag na Dara sapul nang sumali ito sa dating K-pop group na 2NE1.
Excited na si Dara na makasama si Pacquiao sa programa kung saan inaasahang ito ang magsisilbing interpreter ng Pinoy champion.
Matagal na nanatili sa Pilipinas si Dara kaya’t marunong itong magsalita ng Pilipino.
Host naman ng Knowing Bros sina Kang Ho Dong na dating Korean traditional wrestling champion, at Seo Jang-hoon na dating professional basketball player at miyembro ng national team ng Korea.
Napaulat pa na magiging guest din si Pacquiao sa Korean reality show na Running Man
-
BI NAGSAGAWA NG SORPRESANG PAGSALAKAY SA LOOB NG BI FACILITY
NAGSAGAWA ng sorpresang pagsalakay ang mga operatiba ng Bureau of Immigration (BI) sa mga nakakulong sa kanilang warden facility (BIWF) sa Taguig City. Kabilang sa mga nagsagawa ng sorpresang pagsalakay na tinawag na “Greyhound Operation” ay ang BIWF management, mga opsiyal mila sa BI Intelligence Division gayundin ang BI Anti-Terrorist Group sa koordinasyon […]
-
Ads May 6, 2023
-
Sasamantalahin na mamasyal at mag-shopping… BARBIE, ‘di magtatagal sa Chicago dahil may movie silang gagawin ni DAVID
IPINAGTAPAT ng lead star ng first-ever figure skating drama na ‘Heart on Ice’, na si Ashley Ortega, na dream-come true sa kanya ang teleserye. “Three years old pa lamang ay nahilig na po akong mag-training nito at nagsimula na rin akong mag-join ng competitions sa Thailand, China, Japan at Malaysia. Nakaipon na rin po ako, […]