Mahigit 300 pamilya inilikas dahil sa bagyong Neneng- NDRRMC
- Published on October 18, 2022
- by @peoplesbalita
NAKAPAGTALA ang National Disaster Risk Reduction and Management Council (NDRRMC) ng 300 pamilya na iniwan ang kanilang tahanan sa Region 2 at naghanap ng masisilungan sa iba’t ibang evacuation centers dahil kay bagyong Neneng, araw ng Linggo.
Sa kamakailan lamang na situation report nito, sinabi ng NDRRMC na may 337 pamilya o 960 indibiduwal ang nakasama sa preemptive evacuation sa munisipalidad ng Lal-lo, Camalaniugan, Baggao, Santa Praxedes, Buguey, Lasam, Ballesteros, at Calayan sa Cagayan province.
Karamihan sa mga bakwit ay mula sa munisipalidad ng Baggao na mayroong 252 pamilya o 717 indibidwal.
Wala namang naiulat na namatay, ayon sa NDRRMC.
Nauna rito, sa naging paggalaw ng bagyong Neneng, isinailalim sa Signal No. 2 ang Batanes, kanlurang bahagi ng Babuyan Islands (Dalupiri Is., Calayan Is., Panuitan Is., Babuyan Is.), at hilagang-kanlurang bahagi ng Ilocos Norte (Bangui, Burgos, Pagudpud, Pasuquin, Bacarra)
Samantala, itinaas naman ang Signal No. 1 sa kanlurang bahagi ng Cagayan (Allacapan, Aparri, Ballesteros, Abulug, Sanchez-Mira, Pamplona, Claveria, Santa Praxedes, Rizal, Lasam), Apayao; hilagang bahagi ng Abra (San Juan, Tayum, Langiden, Lagangilang, Danglas, La Paz, Dolores, Lacub, Tineg, Lagayan, Bangued), ilang bahagi ng Ilocos Norte, at hilagang bahagi ng Ilocos Sur (Magsingal, San Vicente, Santa Catalina, Sinait, San Ildefonso, City of Vigan, Cabugao, Caoayan, San Juan, Bantay, Santo Domingo).
Sa ngayon, tuluyan nang nakalabas ng Philippine Area of Responsibility (PAR) ang bagyong Neneng.
Huli itong namataan sa 430 km kanluran ng extreme Northern Luzon.
Taglay ang maximum sustained winds na 120 km/h at pagbugsong umaabot sa 150 km/h.
Ayon sa PAGASA ang Southwesterly Surface Windflow na lang ang nakakaapekto bansa partikular na sa Southern Luzon at Visayas.
Ang Ilocos Norte at Ilocos Sur ay makakaranas ng maulap na kalangitan na may kalat-kalat na mga pag-ulan at pagkidlat-pagkulog dahil sa trough ng bagyo
Maulap na kalangitan na may kalat-kalat na mga pag-ulan at pagkidlat-pagkulog bunsod ng Southwesterly Surface Windflowang mararanasan sa Occidental Mindoro, Palawan at Kanlurang Visayas.
Ang Metro Manila at nalalabing bahagi ng bansa ay magkakaroon ng bahagyang maulap hanggang sa maulap na papawirin na may pulu-pulong mga pag-ulan o pagkidlat-pagkulog dahil sa localized thunderstorms. (Daris Jose)
-
Pinatunayan lang na girl na girl at may ‘matres’ Pagbubuntis ni ANGELICA, maraming natuwa at isa na si JUDY ANN
NAPAKARAMI talagang naging masaya sa pagbubuntis ng actress na si Angelica Panganiban. Na para bang kahit biruan lang, na-prove na may “matres” nga siyang talaga at hindi siya “bakla.” Mukhang isa ang kaibigan at “ate” talaga ang turing ni Angelica na si Judy Ann Santos sa nakaalam agad na buntis siya. […]
-
Gobyerno nananatili sa ‘targeted testing’ para kontrolin ang pagkalat ng Covid-19
SA HALIP na mass testing, ang targeted testing o responsible testing ang gagamitin para makontrol ang pagkalat ng Covid-19 habang sinisiguro na ang government resources ay hindi mauubos. Isinantabi ni Acting Presidential Spokesperson at Cabinet Secretary Karlo Nograles, ang panawagan para sa mass testing, binigyang diin nito ang pangangailangan para sa pamahalaan na […]
-
Pilipinas, ika-2 pinakamasayang bansa sa Southeast Asia
ANG PILIPINAS na ngayon ang pangalawa sa pinakamasayang bansa sa Southeast Asia. Ayon sa 2022 World Happiness Report (WHR) na inilabas ng Sustainable Development Solutions Network (SDSN). Pang-60 ang bansa sa 146 na ekonomiya sa mundo na may markang 5.904 sa ika-10 edisyon ng WHR. Ang Pilipinas ay napabuti […]