Assessment ng US-based company Bloomberg, pinalagan ng Malakanyang
- Published on November 28, 2020
- by @peoplesbalita
ITINANGGI at pinalagan ng Malakanyang ang naging assessment ng US-based company Bloomberg kung saan nakapuwesto ang Pilipinas malapit na sa ilalim o kulelat pagdating sa COVID resilience ranking.
Iginiit ni Presidential spokesperson Harry Roque na maayos na nahawakan ng pamahalaan ang viral outbreak.
Sa ulat, ipinuwesto ng Bloomberg ang Pilipinas sa 46th mula sa 53 bansa base sa 10 key metrics, kabilang na ang pagtaas ng kaso, mortality rate, healthcare system capacity, lockdown impact, community mobility, at agreements o kasunduan sa vaccine supply.
Ayon sa Bloomberg, ang Pilipinas ay nakapagpuntos ng “poorly” pagdating sa usapin ng community mobility—o ang “movement of people to offices and retail spaces compared to a pre-pandemic baseline in the past month”—na may -39.4% score.
Sinabi ni Sec. Roque na hindi pa niya napag-aaralan ang nasabing report sa kabila ng palagi niyang sinasabi na ang
government measures ay nagresulta ng “relatively low mortality rate” para sa COVID-19 at ang maliit na percentage ng malubha at kritikal na kaso.
“Tingin ko parang hindi po accurate ‘yan sa aktwal na nangyari. Pinaninindigan po natin that we have managed COVID-19 very well in this country,” ayon kay Sec. Roque.
Sa kabilang dako, sinabi naman ni Dr. Albert Domingo, consultant ng World Health Organization Philippines, na ang laban kontra pandemiya ay hindi dapat gawing karera ng mga bansa.
“This is more of like a marathon kung saan ang laban natin is laban sa ating sariling performance. Kung tayo po ay tumatakbo sa isang mahaba na takbuhan na marathon, hindi mo pinapansin kung nauuna ka o nahuhuli ka doon sa katabi mong tumatakbo,” ayon kay Dr. Domingo.
“Ang pinapansin po natin is nadaig ba natin ‘yung dating oras natin, mas mabilis ba ‘yung takbo natin, nagagawa ba natin ‘yung pinakamahusay sa ating paraan,” dagdag na pahayag nito.
Aniya, ang paglupig sa COVID-19 ay isang global effort.
Idinagdag naman ni National Task Force Against COVID-19 chief implementer Carlito Galvez Jr. na mahirap gumawa ng pagkukumpara sa pagitan ng mga bansa.
“’Yung geospatial at tsaka ‘yung tinatawag natin na demographic conditions ng isang country ay magkakaiba,” anito.
Samantala, ipinatupad ng Pilipinas ang isa sa pinakamatagal at pinakamahigpit na lockdowns na may quarantine classifications.
Para sa buwan ng Disyembre, inaasahang ia-anunsyo ito ng Pangulo sa Nobyembre 30. (Bishop Jesus “Jemba” M. Basco)
-
Big factor ang communication sa relationship: MIGUEL, gabi-gabing tinatawagan si YSABEL noong nasa South Korea
GABI-GABING kausap ni Miguel Tanfelix si Ysabel Ortega kahit nasa South Korea siya ng forty three days para sa shoot ng ‘Running Man Philippines Season 2. Lahad ni Miguel, “Iyon naman po yung compromise naming dalawa since forty three days ako sa Korea. “Parang every night, tinatawagan ko siya, talked about our […]
-
Alden, wish na makahanap na ng mag-aalaga sa kanya
ANG makahanap ng may mag-aalaga naman sa kanya ang isa sa nilu-look forward na talaga ng Asia’s Multimedia Star na si Alden Richards sa pagpasok ng bagong dekada ng career niya. “May nag-aalaga naman sa akin, of course, pero siyempre, iba yung personal talaga, yun po, yun naman siguro ang magiging priority ko […]
-
Malungkot na ibinalita ni Liza: Repeat concert ni ICE, na-postpone dahil sa severe asthma attack
MALUNGKOT ngang ibinalita ng wifey ni Ice Seguerra na si Liza Diño-Seguerra na postponed na ang ‘Videoke Hits: The Repeat ’ ngayong Sabado, June 1 sa Music Museum. Ipinost na nga ito ni Liza sa Fire and Ice PH Facebook page para sa mga fans ni Ice at mga nakabili na ng tickets… […]