Suporta sa panukalang DPWH district office sa BARMM
- Published on November 4, 2022
- by @peoplesbalita
SUPORTADO ng isang Mindanaon solon ang panukala ni Pangulong Bongbong Marcos na bumuo ng isang district office para sa Bangsamoro Autonomous Region in Muslim Mindanao o BARMM para mapabilis ang pag-aayos ng mga nasirang daan at tulay dulot ng bagyong Paeng.
Ayon kay Basilan Rep. Mujiv Hataman, napakaraming daan at tulay ang napinsala sa pananalasa ng nakaraang bagyo, at marami dito ang hindi madaanan, bagay na nagpapahirap sa pagpapadala ng tulong sa mga mamamayang nasalanta ng kalamidad.
Sinabi pa nito na mahalaga ang pagtatayo ng isang tanggapan ng DPWH sa BARMM na mangangasiwa hindi lamang sa pagkumpuni ng mga nasirang imprastraktura dulot ng bagyo, kundi pati na rin sa patuloy na implementasyon ng national projects na pinopondohan ng pamahalaan.
Noong nakaraang kongreso, naghain ang mambabatas kasama ang iba pang kongresista mula sa BARMM ng isang resolution na humihiling na magtayo ng National DPWH office doon.
Ipinanawagan ito ng mambabatas noong 18th Congress kung saan nakapaloob sa House Resolution 333 na inhain ng mambabatas kasama sina Maguindanao Reps. Datu Roonie Sinsuat Sr. at Esmael Mangudadatu, Sulu Rep. Munir Aribson, Tawi-Tawi Rep. Rashidin Matba, Lanao del Sur Reps. Yasser Balindong at Ansaruddin Adiong at Anak Mindanoa Partylist Rep. Amihilda Sancopan ng Anak Mindanao, na pawang mga kinatawan sa 18th Congress noon ang paglalagay ng dpwh district office.
“Nakita na natin noon na may kahirapan ang implementasyon ng national infrastructure projects sa BARMM dahil sa kawalan ng national office ng DPWH dito. Sayang lamang at hindi naisabatas o nagawa ang nilalaman ng ating resolusyon noon,” pahayag ng mambabatas.
Idinagdag nito na isang praktikal na mungkahi ang pagbubuo ng district engineering office ng DPWH sa bawat lalawigan ng BARMM upang mapangalagaan ang mga pambansang daanan o national highways, kaya ito isinulong ng mga Bangsamoro representatives noong 18th Congress.
Ito ay upang maiwasan aniya ang pagkakaroon ng turuan kung sino ang mangangalaga ng mga kalsada pagdating ng panahon. (Ara Romero)
-
Pasahe sa rail lines di tataas; Pamimigay ng fuel subsidy may problema
BINIGYAN diin ng Department of Transportation (DOTr) na walang mangyayaring pagtaas ng pamasahe sa Metro Rail Transit Line 3 (MRT3), Light Rail Transit Lines 1 & 2 (LRT 1 & 2) at Philippine National Railways (PNR). Ito ang binigay na kasiguraduhan ni undersecretary for railways Timothy Batan sa nakaraang Lagang Handa media […]
-
Baon sa lahat ng estudyante, isinusulong
ISINUSULONG ng isang mambabatas ang paglalaan ng taunang cash assistance na P1,000 sa pre-elementary, P2,000 sa elementary, P3,000 sa junior high school, P4,000 sa senior high school at P5,000 sa mga college students. Nakapaloob ito sa House Bill 6908 na inihain ni Batangas Rep. Gerville “Jinky Bitrics” Luistro. Ayon sa […]
-
Kobe Bryant Jersey posibleng maibenta ng P385-M
Posibleng maibenta sa auction ng hanggang $7 millyon ang basketball jersey ng NBA star na si Kobe Bryant. Ang jersey ay isinuot ni Bryant sa unang round ng 2008 Western Conference finals laban sa Denver Nuggets. Ayon sa Sothebys auction na hindi pa rin nito mahihigitan ang jersey na isinuot ni Michael Jordan […]