May badyet bago matapos ang taon – Speaker Romualdez
- Published on November 26, 2022
- by @peoplesbalita
SINIGURO ni Speaker Martin Romualdez ngayong Biyernes kay Presidente Bongbong Marcos at sa buong bansa na magkakaroon ng “Agenda for Prosperity national budget” bago matapos ang taon.
Ang paniniguro ay ginawa ni Romualdez kasunod na rin nang pagsisimula ng kamara at senado para mapagtugma ang kani-kanilang bersiyon ng panukalang P5.268-trilyong 2023 budget sa bicameral conference committee (bicam).
Sina Ako Bicol Party-list Rep. Elizaldy Co, chairman ng House Committee on Appropriations, at Senador Sonny Angara, chairman ng Senate Committee on Finance, ang siyang nanguna sa bicam panel.
Kapwa naipasa ng kamara at senado ang kani-kanilang bersyon ng panukalang 2023 budget.
Ayon kay Romualdez, may sapat na panahon pa ang dalawang kapulungan para magkaroon ng pinal na bersyon ng budget bago magsimula ang kanilang Christmas recess sa Disyembre 17.
“We have sufficient time, we will finally approve the budget before yearend. It is the most important tool in accomplishing the objectives of the President’s Agenda for Prosperity and his eight-point socio-economic development plan,” paniniguro ni Romualdez.
Umaasa ito na sa pamamagitan ng 2023 budget ay masusustena o mapapabilis ng pamahalaan ang paglago ng ekonomiya ng bansa. (Ara Romero)
-
Pope Francis, 2-araw nang may sakit
KINANSELA ni Pope Francis ang lakad niya noong Pebrero 28 dahil sa masama umano ang kanyang pakiramdam. Ayon sa The Vatican, may ubo at sipon ang 83-anyos na Santo Papa. Noong Huwebes, Pebrero 27 ay hindi rin natuloy ang kanyang misa kasama ang mga pari sa Roma. Ang pagkakasakit ni Pope Francis […]
-
Pagbati buhos para kay EJ Obiena kahit nabigo sa target na podium finish
Patuloy ang pagbuhos nang pagbati mula sa maraming kababayan kay EJ Obiena sa kabila nang pagkabigo nitong umabot sa podium finish sa finals ng pole vault event na ginanap sa Tokyo National Stadium. Una rito, nabigong maitawid ni Obiena hanggang sa ikatlo niyang attempt ang 5.80 meters. Bago ito ay na-clear […]
-
Bulacan nagbigay ng oryentasyon sa RA 10821 at basic sign language sa mga kawani at child development workers
LUNGSOD NG MALOLOS – Bilang bahagi ng obserbasyon ng National Disaster Resilience Month (NDRM) at National Disability Prevent and Rehabilitation (NDPR) Week, nagsagawa ang Pamahalaang Panlalawigan ng Bulacan sa pamamagitan ng Provincial Social Welfare Development Office ng “Orientation on RA 10821 at Basic Sign Language” para sa mga empleyado, mga social worker at child development workers […]