BFAR atras muna sa imported fish ban
- Published on December 5, 2022
- by @peoplesbalita
SINUSPINDE ng Bureau of Fisheries and Aquatic Resources (BFAR) nitong Biyernes ang pagbabawal sa pagtitinda ng mga imported na isda tulad ng salmon at pampano sa mga palengke at grocery na nakatakda sanang ipatupad sa Disyembre 4.
Idineklara ang moratorium sa pagpapatupad sa Fisheries Administrative Order (FAO) No. 195, na ang ibig sabihin ay papayagan pa rin ang pagbebenta ng mga imported na isda sa mga wet market.
Ayon kay BFAR officer-in-charge Demosthenes Escoto, rerebyuhin muna nila ang naunang kautusan sa pag-aangkat ng mga imported na isda lalo na at nakasaad sa FAO 195 na pinapayagan ang importasyon ng isda para sa canning, processing, at trade to institutional buyers.
Sinabi pa ni Escoto na mananatili ang moratorium hanggat walang nabubuong bagong regulasyon.
Tiniyak naman ng BFAR na patuloy na poprotektahan ng kanilang hanay ang interes ng mga consumer ng mga Filipino pati na ang mga fisheries stakeholders.
Titiyakin din aniya ng BFAR na magkakaroon ng food security ang bansa.
Nabatid na matagal na umanong bawal ang pagbebenta ng mga imported isda sa mga palengke dahil sa FAO No. 195 na nilagdaan noon pang 1999.
Sabi ng BFAR, paraan nila ito para tulungan ang mga lokal na mangingisda, para tangkilikin ng publiko ang mga isdang nahuhuli sa bansa. (Daris Jose)
-
Nire-recruit na maging part sa pagpuksa sa ‘dogs slaughter’: KORINA, nagpaka-fangirl kay RAYMOND at nalamang dream maging ‘superhero’
NAGPAKA-FANGIRL si Korina Sanchez at may nalaman siya tungkol sa lovelife ni Raymond Bagatsing. “I admit. I admire only a few actors. Ilan lang na artista ang hinahangaan ko. And bilib ako kay Raymond Bagatsing”, ayon sa veteran broadcaster sa kanyang recent interview with the award winning actor. Sino ba ang […]
-
Pigaan ng utak sa Tarlac chess, sisiklab
MAGPAPASIKLABAN ngayong araw (Sabado, Pebrero 29) ang mga woodpusher sa Tarlac City Chess Club Inc. Open Invitational Chess Tournament at sa 2200 And Below Rapid Chess Championship sa Brgy. Sto Cristo Gym sa Tarlac City. Suportado nina TCCCI president Arnold Soliman, sportsman Jesus Tayag, ABC president Winston Torres at New York-based Rainier Labay ang […]
-
LALAKI, PATAY SA SUNOG SA PORT AREA
PATAY ang isang 40-anyos na lalaki sa isang malaking sunog na naganap sa Port Area na umabot sa limang oras . Sa pinakahuling update ng Bureau of Fire Protection (BFP) Huwebes ng tanghali natagpuan ang bangkay ng biktimang nakilalang si Ricky Sebastian, sa mga kabahayang nilamon ng apoy na hinihinalang na-trap sa loob. […]