Mahigit 46-K katao dumalo sa kapiyestahan ng Black Nazarene
- Published on January 10, 2023
- by @peoplesbalita
AABOT sa 46,000 ang dumalo sa misa ng kapiyestahan ng Black Nazarene sa Quirino GrandStand dakong alas-12 ng hating gabi, Jan 9.
Ang nasabing bilang ay base sa pagtaya ng Manila Police District (MPD) kung saan mahigpit pa rin nilang ipinapatupad ang pagbibigay ng seguridad sa lugar.
Pinangunahan ni Manila Archbishop Jose Cardinal Advincula ang nasabing misa kasama ang ilang pari ng Quiapo Church.
Sa kanyang homily sinabi ni Advincula na dapat ipagpatuloy ang buhay na ang nasa puso ay si Kristo.
Mahalaga ang pagkakaisa para mapagtagumpayan ang anumang pagsubok.
Samantala ayon sa PNP ay naging mapayapa naman ang kauna-unahang ‘Walk of Faith’ ng Itim na Nazareno.
Mapayapa sa kabuuan ang kauna-unahang “Walk of Faith” sa pagdiriwang ng pista ng Itim na Nazareno na nagsimula kaninang ala-1:30 ng madaling araw.
Ayon kay Manila Police District (MPD) PBGen. Andre Dizon batay sa kanilang naging initial assessment simula kaninang madaling araw hanggang ngayong hapon, mapayapa at walang naiulat na mga untoward incident.
Nasa heightened alert status ngayon ang PNP para matiyak na maayos at mapayapa ang mga aktibidad sa Pista ng Itim na Nazareno.
Sa kabilang dako, umaabot na sa halos 150,000 deboto ang nagtungo sa Quiapo Church at Quirino Grandstand.
Batay sa datos na inilabas ng Quiapo Command Post sa nasabing bilang nasa 110,927 ang kabuuang deboto na nagtungo sa simbahan ng Quiapo habang nasa 46,000 naman sa Quirino Grandstand. (Daris Jose)
-
39, nagpositibo sa COVID sa Senado; 168, naka-quarantine
Balik muna sa online ang karamihang aktibidad ng Senado. Kasunod yan ng pagpositibo sa COVID-19 ng nasa 39 na staff ng mataas na kapulungan ng Kongreso. Maliban dito, may 168 na iba pang naka-quarantine makaraang ma-expose sa mga kasamahang infected ng nasabing sakit. Ayon kay Senate President Tito Sotto, […]
-
Karagdagang financial assistance ibigay sa mga bingi, bulag, pipi at may down syndrome kada taon
NAIS ni Iloilo Rep. Janette Garin na mabigyan ng karagdagang financial assistance kada taon sa mga taong pipi, bingi, bulag at may mga down syndrome. Ang panukala ay ginawa ng mambabatas kasunod na rin sa ipinatupad na Bagong Pilipinas Serbisyo Fair (BPSF) sa Iloilo. “Nararapat lamang po na bigyan ng dagdag […]
-
SENATE BILL 2094: IBA ANG PUBLIC UTILITY sa PUBLIC SERVICE, at ang EPEKTO sa PUBLIC LAND TRANSPORTATION
Sa mahabang panahon ang public land transport ay itinuturing na public utility business kaya naman ayon sa nationality restriction provision ng Saligang Batas ay dapat at least 60 percent ay pagaari ng mga Pilipino. Ibig sabihin ay maaring pumasok sa public transport ang mga dayuhan basta hindi lalampas sa 40 percent ang kanilang […]