Deadline ng SIM registration, sa Abril 26
- Published on January 18, 2023
- by @peoplesbalita
NILINAW kahapon ng Department of Information and Communications Technology (DICT) at ng National Telecommunications Commission (NTC) na ang deadline ng SIM registration, na Abril 26, 2023, ay alinsunod sa itinatakda ng batas.
Matatandaang ang mandatory SIM registration ay nagsimula noong Disyembre 27, 2022 at magtatagal lamang ng 180 araw o hanggang Abril 26, 2023.
Gayunman, may ilang users ang nagpahayag ng kalituhan kung ang deadline nito ay papatak ng Abril o Hunyo.
Paglilinaw naman ng regulators, ang deadline ay hindi nagbabago at nananatiling Abril 26, 2023.
“Said deadline is in line with the provisions of Republic Act No. 11934, or the Subscriber Identity Module (SIM) Registration Act, which states that ‘All existing SIMs subscribers shall register the same with their respective PTEs within one hundred eighty (180) days from the effectivity of this Act’,” anila pa, sa isang pahayag.
Sinabi pa ng mga naturang ahensiya na nakasaad sa batas na magiging epektibo ito 15-araw matapos ang paglalathala sa Official Gazette o sa isang pahayagan na may general circulation.
Anila, nilagdaan ito noong Oktubre 10, 2022 at nailathala sa Official Gazette noong Oktubre 12, 2022 at sa isang pahayagan noong Oktubre 13, 2022 naman.
“It therefore took effect 15 days after such publication, or no later than 28 October 2022,” dagdag pa nito.
Sinabi pa ng DICT na bagamat maaari nilang palawigin ang registration, ang goal pa rin nila sa ngayon ay matapos ito sa orihinal na deadline.
Hanggang nitong Enero 11, mahigit na sa 17 milyong SIM cards sa bansa ang nairehistro na.
Ito ay kumakatawan sa 10.47% ng mahigit 169 milyong mobile cellular subscribers sa buong bansa.
-
NAKATANGGAP ng maagang pamasko mula sa Pamahalaang Lungsod ng Navotas
NAKATANGGAP ng maagang pamasko mula sa Pamahalaang Lungsod ng Navotas, sa pangunguna ng Public Employment Service Office, katuwang ang Department of Labor and Employment – National Capital Region at ang Navotas Tripartite Industrial Peace Council ang 75 na profiled child laborers sa lungsod sa pamamagitan ng Project Angel Tree. Ani Mayor John Rey Tiangco, nag-uwi […]
-
In Striking Doctor Doom Art: Cillian Murphy Could Be The MCU’s New Major Villain
Cillian Murphy gets imagined as Doctor Doom in dark Marvel Cinematic Universe fan art. The MCU is currently going through a major crisis, as Kang the Conqueror actor Jonathan Majors was fired after he was found guilty of two misdemeanor counts of harassment and assault. While no word has come on what will happen with Marvel’s Multiverse Saga plans, a past […]
-
LGUs tumulong sa NCSC sa pagkumpleto ng 12-M senior citizens database
UMAPELA ang isang mambabatas sa mga local government unit (LGU) executives na suportahan anggobyerno sa patuloy na pagsusumikap na magkaroon ng maaayos at tamang database sa tinatayang 12.3 milyong seniors sa buong bansa. Ayon kay CamSur Rep. LRay Villafuerte, napapanahon ang ginagawang national listing o cataloguing ng mga senior citizens dala na rin […]