Pinas, makawawala sa ₱13T nat’l debt sa pamamagitan ng eco growth
- Published on January 26, 2023
- by @peoplesbalita
SINABI ni Pangulong Ferdinand Marcos Jr. na ang “guiding principle” para sa plano ng kanyang administrasyon para makawala mula sa ₱13-trillion national debt ay ang economic growth. “We will pull ourselves out of debt via growth. That really is the guiding principle to the economic plan,” ayon sa Pangulo nang tanungin ukol sa kanyang plano para maibaba ang national debt.
Base sa pinakahuling data mula sa Bureau of Treasury, ang utang ng bansa ay nananatiling nasa “record high level,” tumaas ng 0.02% o ₱3.15 bilyong piso mula Oktubre hanggang Nobyembre.
Sinabi pa ng Pangulo na tututukan niya ang mga investment pledges para makalikha ng mas maaming trabaho, na magt-translate sa patuloy na paglago na makahahaltak sa bansa mula sa utang.
Tinukoy ang 4.2% unemployment rate, sinasabi na ng recession ay hindi na matatamaan kung ang rate ay magpapatuloy sa ‘downward trend.’
Ang paliwanag pa ng Pangulo, ang paglago ng ekonomiya ay hindi lamang sa investments kundi nangangahulugan ito ng naging maayos na kalidad ng hanapbuhay at iba pang dahilan.
“It’s not one simple thing. There is no silver bullet. We have to do very many things to make it right because what we are in fact doing is restructuring the entire Philippine economy to adjust to the new world global economy,” aniya pa rin.
Muli namang binanggit ng Pangulo ang pangangailangan ng pamahalaan na “i-digitalize” at “streamline” ang burukrasya para sa mas mabilis na pagproseso sa mga dokumento para sa mga mamamayan at investors.
“The ease of doing business is because we’re talking about trade. So digitalization is going to be a very important part of that,” aniya pa rin.
Ayon sa Chief Execuive, ang tanging entity na hindi maabot ng mga Filipino sa pamamagitan ng internet ay ang pamahalaan, isa pang dahilan kaya’t itinutulak ng Pangulo ang digitalisasyon sa mga ahensiya.
“We have to digitalize Customs. We have to digitalize all of these collecting agencies so that the BIR, even the Central Bank, the payments can be made over the internet. All of those things that we don’t do now,” anito.
“Let’s digitalize the government. That will take us a long way to helping in the ease of doing business,” wika pa nito. (Daris Jose)
Other News
-
PDu30, kinunsiderang palitan sa puwesto si Customs chief Rey Guerrero
UMAMIN si Pangulong Rodrigo Roa Duterte na kanyang ikinunsidera na palitan na si retired general Reynaldo Guerrero bilang pinuno ng Bureau of Customs (BOC). Subalit nilinaw ng Pangulo na hindi ito dahil sa korapsiyon kundi dahil sa ipinagkakaloob nitong tiwala sa mga taong hindi naman dapat pagtiwalaan. Special mention dito ng Pangulo si […]
-
Ads June 22, 2024
-
Aminado na may nagawang pagkukulang: DENNIS, umaasa na magkakaayos pa rin sila ng mga anak niya
ISANG emosyonal na Dennis Padilla ang nakapanayam namin sa storycon ng bagong pelikulang ‘Magic Hurts’. Alam naman ng publiko ang masalimuot na sitwasyon sa pagitan ni Dennis at mga anak niyang sina Julia, Claudia, at Leon na mga anak nina Dennis at dati nitong karelasyon na si Marjorie Barretto. Ang ‘Magic Hurts’ […]