PHILPOST, NAGBABALA SA SCAMMER
- Published on January 30, 2023
- by @peoplesbalita
NAGBABALA sa publiko ang Philippine Post Office (PPO) sa umanoy mapanlinlang na tawag mula sa mga indibidwal na nagpapanggap na bahagi ng postal corporation.
Sinabi ng PhilPost sa kanilang public advisory na hindi ito tumatawag sa mga kliyente nito para sa anumang transaksyong pinansyal.
Nagbabala ang Post Office sa mga scammers na ginagamit ang kanilang mga kasanayan sa computer upang i-configure ang mga tawag at ipakita na ito ay mga lehitimong tawag mula sa Customer Service Hotline ng postal corporation, (02) 8288-7678.
“This official number, however, is being used by the Post Office for the sole purpose of entertaining inbound calls from the mailing public who are tracing the whereabouts of their mail or parcels,” sabi ng Post Office.
“It is never used for outgoing or outbound calls for verifications on senders or addressees of postal matters,” dagdag pa.
Ang babala ay inilabas, matapos magtungo ang tatlong pribadong mamamayan kamakailan sa Cebu Post Office upang magtanong tungkol sa mga kahina-hinalang tawag sa telepono na kinumpirma na “spoofed o cloned na mga tawag na may end view ng extortion.”
Pinayuhan ng publiko ang Post Office na huwag magbigay ng mga impormasyon sa mga scammers.
Ipinaalam na ng Post Office sa Department of Information and Communications Technology at National Telecommunications Commission na imbestigahan ang mapanlinlang na pamamaraan.
Humingi rin ito ng tulong sa Philippine National Police at sa kasalukuyan nitong telephone service provider para matugunan ang sinasabing package scam. GENE ADSUARA
-
PBBM: Bantag, nagtayo ng sariling ‘kaharian’ sa Bilibid
NAGTATAG ng kanyang sariling ‘kaharian’ o teritoryo ang suspendidong hepe ng Bureau of Corrections na si Gerald Bantag sa loob ng New Bilibid Prison (NBP), ayon kay Pangulong Marcos ilang araw matapos ang pagsasampa ng mga kasong murder laban sa una at sa iba pang mga indibidwal dahil sa pagpatay sa broadcaster na si Percy […]
-
‘Firefly’, kinabog ang naglalakihang pelikula: EUWENN, tinanghal na Best Child Performer sa ‘MMFF 2023’
WALANG pag-aalinlangan na nagniningning ang mga ilaw para sa ‘Firefly’ sa 2023 Metro Manila Film Festival (MMFF) Gabi ng Parangal noong Disyembre 27, nang mag-uwi ang pelikula ng tatlong major awards sa 15 nominasyon, kabilang ang Best Picture. Produced ng GMA Pictures at GMA Public Affairs, tinalo rin ng ‘Firefly’ ang iba pang […]
-
2 years after: Ekonomiya ng PH, masigla na uli – DTI Sec. Lopez
BUMALIK na uli ang sigla ng ekonomiya ng Pilipinas makalipas ang dalawang taon na nasa ilalim ng COVID-19 (Coronavirus Disease 2019) pandemic ang bansa. Ayon kay Department of Trade and Industry Sec. Ramon Lopez, dahil sa pagluwag sa alert level status sa mga nakalipas na buwan ay nakakabalik na sa “pre-pandemic volume” ang […]