ILANG BARANGAY SA MAYNILA, WALA PANG SARILING BARANGAY HALL
- Published on February 2, 2023
- by @peoplesbalita
SA kabila ng ipinagkakaloob na tulong ng mga kongresista sa Lungsod ng Maynila sa mga Punong Barangay para sa pagtatayo ng kanilang sariling barangay hall, aminado si Vice Mayor John Marvin “Yul Servo” Nieto na marami pa ring mga barangay sa lungsod ang walang sariling tanggapan.
Ang naturang pahayag ay sinabi ng bise alkalde sa “Balitaan sa Tinapayan” na ginanap sa Tinapayan Festival Bakeshoppe, kung saan na pangunahing problema umano para sa pagkakaroon ng sariling barangay hall ay ang kawalan ng lugar o bakanteng lote na pagtatayuan ng istraktura kaya’t ang ilang mga walang tanggapan ay sa mga bangketa na lamang nagtatayo ng kanilang opisina.
Kung mayroon aniya sana kahit maliit na espasyo na puwedeng pagtayuan ng barangay hall, hindi magiging problema dahil lahat ng mga kongresista sa Maynila na pawang miyembro ng local political party na “Asenso Manileño” ay handang maglaan ng pondo bilang tulong sa barangay.
“Dito lang sa District II na sakop ni Cong. Rolan Valeriano, marami kayong makikita na kulay berdeng mga nagtataasang gusali na nagsisilbing barangay hall na kanyang ipinatayo dahil kahit maliit lang na bakanteng lote, ang ginagawa, tinataasan na lang ang istraktura para magkasya bilang tanggapan,” pahayag ni Vice Mayor Yul Servo.
Ang kagandahan aniya ng iisa ang pinanggalingang political party ng mga nagwaging halal na opisyal ng lokal na pamahalaan at mga kinatawan sa Kongreso ay nagkakaisa sila sa pagtataguyod ng mga proyekto at programa para sa ikauunlad ng kabuhayan ng mamamayan.
Sinabi ni Vice Mayor Yul Servo na kailangan talaga ng mga barangay officials ang pagkakaroon ng sariling tanggapan dahil malaki ang kanilang responsibilidad sa kanilang nasasakupan bilang pinakamaliit na yunit ng pamahalaan na siyang takbuhan ng mamamayan sa iba’t-ibang mga bagay, serbisyo at suliranin.
Naniniwala ang bise alkalde na kung wala aniyang sariling tanggapan tulad ng barangay hall ang mga Kabesa ng barangay, apektado ang kalidad ng kanilang serbisyo sa mamamayan na maituturing pa naman na nagpapasahod sa kanila bilang mga taxpayers.
Wala namang maibigay na datus ang Manila Barangay Bureau kung ilan sa kabuuang 897 barangay sa Maynila ang walang sariling barangay hall. (BISHOP JESUS “JEMBA” M. BASCO)
-
Mabilis na transmission ng poll results, nakagugulat- political analyst
NAKAGUGULAT para sa isang political analyst ang mabilis na transmission ng resulta ng 2022 elections kumpara sa nakalipas na halalan sa bansa. Sinabi ni political analyst Ramon Casiple na bagama’t mabilis ang transmission ng resulta ng 2022 elections ay napakaaga pa aniya para magbigay kaagad ng konklusyon. “Nagulat ako doon sa […]
-
Pinas, nagprotesta laban sa bagong “provocative acts” ng Chinese vessels sa South China Sea
NAGHAIN ng protesta ang Pilipinas laban sa bagong “provocative acts” ng Chinese vessels sa South China Sea. Sa isang tweet, sinabi ng DFA na nagpapatunog ng sirena at busina ang mga barko ng China sa gitna ng pagpapatrolya ng mga awtoridad ng Pilipinas na nagsasagawa ng “legitimate, customary, and routine patrols sa “territory and maritime […]
-
Nathan Studios Gears Up To Introduce Critically Acclaimed Japanese Film ‘Monster’ To Filipino Audiences
NATHAN Studios, the brainchild of the Atayde family and helmed by President and CEO Ria Atayde, has once again showcased its commitment to delivering cutting-edge content. Owned by the Atayde family, Nathan Studios is a top-tier production outfit committed to delivering groundbreaking content. With different projects spanning series, movies, and live events, the […]