Miles, agaw-eksena ang kahusayan sa maaksyong pilot episode: Celebrity screening ng ‘Batang Quiapo’ nina COCO, suportado ng mga big stars
- Published on February 8, 2023
- by @peoplesbalita
KAHAPON, ika-7 ng Pebrero, ginanap ang star-studded celebrity screening ng inaabangang primetime series na ABS-CBN series na “Batang Quiapo” sa TriNoma Cinema 7.Pinangunahan ito ng Hari ng Primetime na si Coco Martin at ng kanyang newest leading lady na si Supreme Actress Lovi Poe kasama sina Ms. Charo Santos-Concio, John Estrada, at Cherry Pie Picache.
Kasama rin sa screening ng punum-puno ng aksyon at madramang isang oras na pilot episode sina Sen. Lito Lapid, Mark Lapid, Pen Medina, at McCoy de Leon.
Hindi talaga matatawaran ang husay ng Hari ng Primetime sa mga action scenes, sa simula pa lang ng serye, na ilang minuto ang tinagal, kakaibang Coco na astig na astig at nakakatakot na pagganap.
Sa pilot episode mapapanood ang back story nang unang character na gagampanan ni Coco, na later on sa pagtanda ay magiging si Drama King Christopher de Leon.
Pero ang agaw-eksena ay si Miles Ocampo na napakahusay ang pag-atake bilang Maritess na ilang ulit na pinalakpakan, na sinuportahan nina Ejay Falcon at Precious Lara Quigaman.
Buung-buo rin ang suporta kay Direk Coco ang mga dating cast members ng kanyang nakaraang serye na “FPJ’s Ang Probinsyano” na pinangunahan nina Megastar Sharon Cuneta, John Arcilla, Ara Mina, Rosanna Roces, Angel Aquino, Michael de Mesa, Jaime Fabregas at marami pang iba.
Tapos na nga ang paghihintay, dahil magsisimula nang ipalabas ang “FPJ’s Batang Quiapo” sa Lunes, Pebrero 13, sa TV5, A2Z at sa Kapamilya channel online.
Kalahating taon na pala mula nang matapos ang makasaysayang pitong taon ng “FPJ’s Ang Probinsyano”
Sa kalalabas lang na trailer ng palabas, inaasahang mahihirapan ang karakter ni Coco sa kanyang pamilya, dahil mahihirapan ang karakter niya na makipag-bonding sa kanyang ama (John), at kapatid (McCoy).
Sa trailer, pinasulyap din ang mga karakter sa action-serye tulad ng mga ginampanan ni Charo at Cherry Pie (bilang lola at ina ng aktor).
Nakaka-LSS at nakaka-touch ang napiling themesong ni Coco, ang version ng “Kapalaran” ni Mr. Pure Energy Gary Valenciano, na muli niyang ni-record para sa naturang teleserye.
Ang orihinal na “Batang Quiapo,” na pinagbidahan ng ama ni Lovi, ang yumaong Hari ng Pelikulant Pilipino na si Fernando Poe, Jr. kasama si Diamond Star Maricel Soriano, na hopefully soon ay maging part din ng newest series ni Coco.
(ROHN ROMULO)
Other News
-
Asian Boxing C’ships kinansela
Kinansela ang Asian Boxing Championship sa India na lalahukan sana ng national boxing team bilang paghahanda sa Tokyo Olympics. Nakatakda sanang magtungo ang Pinoy pugs sa New Delhi para magpartisipa sa Asian meet na lalarga mula Mayo 31-31– ang final tuneup ng Tokyo-bound boxers. Subalit kinansela ito ng mga organizers matapos […]
-
Ads May 9, 2023
-
Marvel’s ‘Morbius’ Brings Out a Dark, Unforgettable Side of Jared Leto
JARED Leto disappears into his roles, bringing characters to life in ways that can be moving, or terrifying, or enigmatic, but always unforgettable. “I’m attracted to roles where there’s an opportunity to transform – physical transformation, but also mental, emotional, any and all,” says Jared Leto, who is indeed renowned for his transformations. […]