‘The Big One’, dapat ¬paghandaan – Romualdez
- Published on February 17, 2023
- by @peoplesbalita
IGINIIT ni House Speaker Martin Romualdez na dapat paghandaan ng pamahalaan, lalo na ang mga firts responders, sakaling tumama ang malakas na lindol o tinatawag na “The Big One” sa bansa, lalo na sa Metro Manila.
Ayon sa mga eksperto, libu-libo ang magiging biktima ng nasabing lindol tulad ng nangyari sa Turkey at Syria kung walang paghahanda ang bawat isa.
“We want to find out if we are really ready at ano ang dapat gawin ng publiko,” ani Romualdez. “Na-experience na kasi natin ito during Yolanda na ‘yung mga first-responders naging biktima ng nasabing delubyo.”
“Sino ang papalit sa kanila, do we have enough equipment to dig through rubbles o may sapat ba na food packs ang gobyerno sa libu-libong maaapektuhan ng lindol na ito,” pahayag pa ng Leyte solon.
Matatandaang nitong Lunes ay dumating si Turkey Ambassador Niyazi Aykol sa Kongreso para tanggapin ang $100,000 ang personal donation ni Romualdez para sa mga biktima ng lindol sa nasabing bansa.
Sinabi ni Ambassador Aykol kay Romualdez na 20 taon na raw nilang alam na tatama ang isang malakas na lindol pero hindi nila inakala na ganito ito kalakas.
Kaya naman gustong malaman ni Romualdez kung gaano kalakas na lindol o intensity ang kakayanin ng National Capital Region (NCR) at ilan ang projected casualties.
Balak ni Speaker na ipatawag ang lahat ng disaster agencies at first responder units para malaman kung may operational plan o ‘Oplan’ na ang pamahalaan. (Daris Jose)
-
Sa historical fantasy ng novel ni Dr. Rizal: DENNIS, balik-trabaho na at makatatambal sina JULIE ANNE at BARBIE
BALIK-TRABAHO na si Kapuso Drama Actor Dennis Trillo, matapos ang ilang buwan, after ng drama series niyang “Legal Wives” with Alice Dixson, Andrea Torres and Bianca Umali. At pagkatapos makapagsilang ang wife niyang si Kapuso Ultimate Actress Jennylyn Mercado ng kanilang baby girl. “Maria Clara at Ibarra,” ang historical fantasy na […]
-
86 DAGDAG NA SKILLED WORKERS SA NAVOTAS
NADAGDAGAN pa ang mga skilled workers ng Pamahalaang Lungsod ng Navotas kasunod ng virtual graduation ng 86 trainees mula sa Navotas Vocational Training and Assessment (NAVOTAAS) Institute. Sa 86, 17 ang nakakumpleto at nakatanggap ng national certification (NC) II para sa Automotive Servicing,16 ang Electrical Installation and Maintenance habang 35 trainees naman ang […]
-
4 drug suspects nalambat sa Malabon, Navotas buy bust
MAHIGIT P.1 milyong halaga ng shabu ang nasamsam sa apat na hinihinalang drug personalities matapos maaresto ng pulisya sa magkahiwalay na buy bust operarion sa Malabon at Navotas Cities. Kinilala ni Malabon police chief P/Col. Jay Baybayan ang naarestong mga suspek na sina alyas Dekdek, 41, (user/listed) ng Malabon at alyas Rex, […]