HVI tiklo sa P120K Marijuana sa Valenzuela
- Published on April 6, 2023
- by @peoplesbalita
ISANG tulak ng illegal na droga na listed bilang high value individual (HVI) ang kalaboso matapos makuhanan ng mahigit P.1 milyon halaga ng marijuana sa buy bust operation ng pulisya sa Valenzuela City, kahapon ng madaling araw.
Kinilala ni Valenzuela police chief P/Col. Salvador Destura Jr, ang naarestong suspek na si Carlo Mendoza alyas “Kalbo”, 28 ng No. 4706 Cipriano Street, Brgy. Gen T De Leon.
Sa kanyang ulat kay Northern Police District (NPD) Director PBGen Ponce Rogelio Peñones Jr, sinabi ni Col. Destura na dakong alas-2:20 ng madaling araw nang ikasa ng mga operatiba ng Station Drug Enforcement Unit (SDEU) sa pangunguna ni PCpt Joel Madregalejo ang buy bust operation sa Francisco St., Fortune 1, Brgy. Gen T De Leon, matapos ang natanggap na impormasyon na nagbebenta ng marijuana ang suspek.
Isang undercover police ang nagawang makipagtransaksyon sa suspek ng P500 halaga ng droga at nang tanggapin niya ang marked money mula sa police poseur buyer kapalit ng isang plastic sachet ng marijuana ay agad siyang dinamba ng mga operatiba.
Nakumpiska sa suspek ang 7-pirasong transparent plastic sachets na naglalaman ng aabot 1000 grams ng hinihinalang pinatuyong dahon ng marijuana with fruiting tops na nasa P120,000.00 ang halaga, buy bust money, P1,000 recovered money at cellphone.
Pinuri naman ni BGen Peñones ang Valenzuela police sa kanilang matagumpay na drug operation na nagresulta sa pagkakaaresto sa suspek na nahaharap sa kasong paglabag sa RA 9165 o ang Comprehensive Dangerous Drug Act of 2002. (Richard Mesa)
-
Kai Sotto bigo sa kanyang debut game para sa Adelaide
Sumalang na si Kai Sotto sa wakas para sa Adelaide ngunit kabiguan ang bumulaga sa Pinoy sensation matapos makalasap ng 67-93 pagkatalo ang 36ers sa Cairns Taipans sa 2021-22 NBL season kahapon sa Cairns Convention Centre. Maalat ang performance ng 7-foot-3 na si Sotto na nagtala lamang ng 1 point, 3 rebounds, 2 […]
-
Tolentino nais mag-USTe
ISA sa mga gumawa ng pangalan sa Ateneo de Manila University Lady Eagles sa University Athletic Association of the Philippines (UAAP) women’s indoor volleyball ang player na si Katrina Mae ‘Kat’ Tolentino. Pero kung pagkakataong makapamili ng iba pang mapaglalaruan bukod sa ADMU-Quezon City, sa University of Santo Tomas Golden Tigresses ang pangarap ng Premier […]
-
VICTORY PARADE NG LAKERS, APRUB NA SA MAYOR NG LA
MISMONG si Los Angeles Lakers star LeBron James ang nakiusap kay LA City Mayor Eric Garcetti na makapagsagawa sila ng victory parade. Ito’y matapos ang kakaibang pangyayari kung saan sabay na nagkampeon ang Lakers sa NBA Finals at ang Los Angeles Dodger sa Major League Baseball (MLB) sa isang conference. Pumayag naman ang alkalde […]