Gobyerno ng Pilipinas, naghahanda na para ialis ang mga Pinoy sa Sudan
- Published on April 26, 2023
- by @peoplesbalita
GINAGAWA na ng pamahalaan ang kailangang paghahanda para ialis ang mga Filipino sa Sudan kasunod ng idineklarang 72-hour ceasefire roon.
Umaasa si Pangulong Ferdinand Marcos Jr., na ang idineklarang 72-hour ceasefire ay makapagbibigay ng oportunidad o pagkakataon para maibalik sa Pilipinas ang mga Filipinong naipit sa war-torn country.
Ang pahayag na ito ng Pangulo ay matapos makipagpulong sa Armed Forces of the Philippines (AFP) at Department of National Defense (DND) hinggil sa kasalukuyang mga usapin kabilang na ang situwasyon sa Sudan partikular na ang gagawing pagpagpapauwi ng ligtas ng pamahalaan sa mga Filipino roon.
“Right now, we are hoping that the 72-hour ceasefire that has been declared will hold and we will — we are preparing ourselves,” ayon sa Pangulo.
“So we’re trying — we’re watching this situation very, very closely and to see if there’s a window of opportunity na mailabas natin ang mga Philippine nationals natin,” dagdag na wika ng Chief Executive.
Tinuran ng Pangulo na patungo na si Migrant Workers Secretary Susan Ople sa rehiyon “in anticipation of the ceasefire effectivity, hoping to take advantage of the lull in the fighting to move people out of Sudan.”
“Mailabas natin ang mga tao natin. So that’s what we’re working on now. Ang mahirap is that even the land routes are not completely safe. As yet, ‘yung mga airport binomba pa, hindi talaga magamit. So we are still trying to find alternative ways,” ayon sa Punong Ehekutibo.
Idinagdag pa nito na tinitingnan ng gobyerno ng Pilipinas ang Saudi Arabia at Djibouti sa East Africa sa kabila ng original plan na dalhin ang mga Filipino sa Cairo, Egypt, sa kabila ng mas matagal na ruta kumpara sa ibang lokasyon.
Inanunsyo ng Estados Unidos, araw ng Lunes na ang naglalabanang paksyon sa Sudan ay sumang-ayon sa 72-hour ceasefire simula ng hatinggabi ng Abril 24.
Sinabi naman ni US Secretary of State Anthony Blinken na ang kasunduan sa pagitan ng Sudanese Armed Forces (SAF), at Rapid Support Forces (RSF) ay nabuo kasunod ng matinding negosasyon.
Ang Estados Unidos ayon kay Blinken ay makikipag-ugnayan sa regional at international partners, at Sudanese civilian stakeholders para tumulong sa paglikha ng komite na mangangasiwa sa negosasyon, konklusyon at implementasyon ng isang permanent cessation of hostilities at humanitarian arrangements sa Sudan. (Daris Jose)
-
Kahit bad trip, ‘di malilimutan ang muling pagbisita: MICHAEL V, idinaan na lang sa biro ang pagkakaroon uli ng Covid-19
NAGBIRO pa si Michael V. sa Instagram post niya na “ROUND 2… FIGHT!” “Nakatanggap ako ng notification from my old friend, Covid. Matagal na kaming hindi nagkikita. Actually sinabihan ko na s’ya na ‘wag nang bumalik pero eto na naman s’ya… magha-“HI” lang daw at magpapa-alaala na nandito lang s’ya sa tabi-tabi. Hindi […]
-
Kiefer gigiya sa Gilas sa tune-up
PAMUMUNUAN ni Kiefer Ravena ang Gilas Pilipinas na sasabak laban sa South Korea sa exhibition games na idaraos sa Hunyo 17 at 18 sa Anyang Gymnasium sa Gyeonggi-do, South Korea. Kasama si Ravena sa 12-man lineup na inilabas ng Samahang Basketbol ng Pilipinas (SBP) para sa friendly matches na magsisilbing preparasyon para sa […]
-
Horror Filmmaker James Wan at the Helm of Killer-Doll Movie “M3GAN”
FROM the most prolific minds in horror—James Wan, the filmmaker behind the highly-successful “Saw”, “Insidious” and “The Conjuring” franchises, and Blumhouse, producer of the “Halloween” films, “The Black Phone” and “The Invisible Man”—comes “M3GAN”, the fresh new face in terror. “M3GAN” is a marvel of artificial intelligence, a life-like doll programmed to be a child’s […]