US firms, magha-hire ng 75K pinoy seafarers
- Published on May 4, 2023
- by @peoplesbalita
NAKATAKDANG mag-hire ang isang US firms ng 75,000 Filipino seafarers sa susunod na tatlo hanggang apat na taon.
Sa isang pulong kasama si Pangulong Ferdinand R. Marcos Jr. sa Washington, sinabi ni John Padget, presidente at CEO ng Carnival Corp. na ang kanyang “group of companies” ay nakatakdang mag-hire ng mga Filipino seafarers.
Si Padget, kumakatawan din sa Carnival Cruise Line, Holland American Airlines and Seaborn, pinuri ang mga manggagawang filipino para sa kanilang “hospitality at competitiveness” sa global workforce.
“It doesn’t matter whether it’s the marine, deck, hospitality, restaurant…everything is based on the happiness, the smile, and the greatness of the Filipino employees,” ani Padget.
Sa nasabi pa ring pulong, inilatag naman ni Department of Migrant Workers (DMW) Secretary Susan Ople sa US firms “the interest of 200,000 Filipinos” na “adhere to fair and ethical standards and principles.”
Pinasalamatan naman ni Pangulong Marcos ang US employers para sa kanilang patuloy na kumpiyansa sa mga Filipino professionals at skilled workers.
“When you say that the — the ladies and gentlemen that we have here today represent 200,000, you do not represent 200,000 employees, you represent 200,000 families and you represent 200,000 communities in the Philippines,” ang sinabi ni Pangulong Marcos sa mga employers.
Sa ulat, tinatayang mahigit na apat na milyong Filipino immigrants (temporary at permanent) ang nasa Estados Unidos, kumakatawan sa 4th largest immigrant group matapos ang Mexicans, Indians at Chinese.
Sa pamamagitan ng kanilang remittances, ang mga Filipino workers ay nakapag-ambag sa economic development, kapuwa sa Estados Unidos at Pilipinas, gamit ang kanilang “kasanayan, talento at kadalubhasaan.”
Samantala, sa nasabi pa ring miting kasama ang mga employers, kasama ng Pangulo sina Ople, Speaker Ferdinand Martin Romualdez, Trade Secretary Alfredo Pascual, Philippine Ambassador to the US Jose Manuel G. Romualdez, at Department of National Defense Officer-in-Charge, Senior Undersecretary Carlito Galvez, Jr.
(Daris Jose)
Other News
-
Ads September 4, 2023
-
‘Di kinaya ang unexpected and unforgettable moment: SHARON, naiyak sa sobrang tuwa nang ma-meet ang idolong si TAEMIN
HINDI nga nahiya si Megastar Sharon Cuneta na i-post ang larawan niya na nakaupo sa lapag habang umiiyak sa labis na kaligayahan. Matapos ito na ma-meet niya ng personal at anang iniidolong K-pop star na si Taemin, na isa sa member ng sikat na South Korean boy band na SHINee. Caption […]
-
Pilot face-to-face classes sa pribadong eskuwelahan, nakatakda sa Nobyembre 22 —Briones
NAKATAKDA nang simulan ang pilot run ng face-to-face classes sa mga pribadong eskuwelahan sa darating na Nobyembre 22. Sa virtual press briefing ni Presidential Spokesperson Harry Roque, sinabi ni Department of Education (DepEd) Secretary Leonor Briones na target ng departamento na isama ang 20 private schools kabilang na ang international academic institutions. “Ang […]