PBBM, muling nanawagan kay Cong. Teves na umuwi na ng Pinas
- Published on May 13, 2023
- by @peoplesbalita
PINAYUHAN ni Pangulong Ferdinand R. Marcos Jr. si Negros Oriental Rep. Arnolfo Teves Jr. na magbalik-Pinas na at harapin ang alegasyon laban sa kanya ukol sa pagpatay kay Negros Oriental governor Roel Degamo at iba pa.
“Come home. That’s the best advice I can give him. Come home,” ayon kay Pangulong Marcos bilang tugon sa tangong kung ano ang maipapayo niya sa mambabatas.
Kinapanayam ang Pangulo ng mga miyembro ng media habang lulan ito ng PR 001 habang pabalik ng Pilipinas matapos dumalo sa 42nd ASEAN Summit sa Labuan Bajo, Indonesia.
Ayon sa Pangulo, sinabi sa kanya ni Timor-Leste Prime Minister Taur Matan Ruak sa kanilang bilateral meeting na humirit ng political asylum si Teves sa huli.
“Yes. It turns out that Congressman Arnie Teves applied for political asylum but was denied. Ganun lang. So I think they will continue to be — to go to the process,” ang pagbubunyag ng Pangulo.
“May appeal process para sa — those who are applying… but na-deny so we’ll just wait for the process to complete,” anito.
Dahil dito, pinasalamatan naman ng Pangulo si Ruak para sa agarang pag-aksyon sa aplikasyon ni Teves.
Malugod aniyang ikinatuwa ng gobyerno ng Pilipinas ang mabilis na desisyon ni Rual dahil mas magiging mabilis na aniya na maibabalik sa Pilipinas si Teves para sagutin ang alegasyon laban sa kanya.
Samantala, iniulat naman ng Department of Foreign Affairs (DFA) na binasura ng Timor-Leste ang aplikasyon ni Teves’ para sa political asylum at ipinag-utos dito na kaagad na lisanin ang bansa sa loob ng limang araw. (Daris Jose)
-
Halos 1-K mga protesters sa Russia inaresto
NASA halos 1,000 katao na ang inaresto sa Russia dahil sa pagsasagawa ng kilos protesta sa iba’t ibang bahagi ng nasabing bansa. Sa Moscow pa lamang ay umabot na sa mahigit 330 katao ang kanilang ikinulong. Kinokondina ng mga Russian protesters ang ginawa ng kanilang sundalo na paglusob sa Ukraine. […]
-
Pagdami ng Pinoy na nagkakasakit sa bato, nakaaalarma – NKTI
LUBHA umanong nakakaalarma na ang pagdami ng taong may matinding sakit sa bato. Ayon sa National Kidney and Transplant Institute (NKTI) tumaas ng 42 percent ang bilang ng mga taong may matinding sakit sa bato o chronic kidney disease sa Pilipinas. Sa pagdiriwang ng National Kidney Month, sinabi ni […]
-
Suplay ng natural gas sa Finland, itinigil na ng Russia
ITINIGIL ng Russia ang pagbibigay ng natural na gas sa Finland. Ikinagalit ng Moscow ang pag-aplay nito para sa pagiging miyembro ng NATO, matapos tumanggi ang bansang Nordic na bayaran ang supplier ng Gazprom sa rubles. Walong porsyento ng natural gas ang kino-konsumo ng Finland at karamihan sa mga ito ay […]