Kahit nalungkot sa ‘kawalan ng respeto’: ICE, masaya dahil malaya na ang ‘Dabarkads’ kaya sulong lang
- Published on June 2, 2023
- by @peoplesbalita
SA Instagram post ni Ice Seguerra noong Miyerkules, nagpahayag ito na hindi maipaliwanag ang nararamdaman sa pamamaalam nina Tito Sotto, Vic Sotto at Joey de Leon sa producer ng ‘Eat Bulaga!’ na TAPE Incorporated.
Sa panimula ng Asia’s Acoustic Sensation, “Hindi ko naiintindihan ang nararamdaman ko. Lungkot ba o saya?
“Malungkot ako sa nangyayari. Sa kawalang respeto. Malungkot ako dahil sa hiwalayang Eat Bulaga at TAPE, mayroong mga taong mag-iiba ang lagay sa buhay. Nalulungkot akong umabot sa ganito.”
Pagpapatuloy pa ni Ice tungkol sa kaganapan sa TVJ at EB, “Pero masaya ako dahil malaya na sila. Bakit ka mananatili sa isang relasyong hindi ka naman masaya. Hindi rin ako natatakot sa kinabukasan ng programa.
“Ang Eat Bulaga ay Eat Bulaga. Kahit saang network sila mapadpad, walang paltos silang makakalipad.
“Kaya sulong lang, Dabarkads. Simula pa lang ito nang mas maniningning na bukas.”
Pinusuan naman ang post nina Iza Calzado, Chynna Ortaleza, Vina Morales, Amy Perez, Gladys Guevarra, Jako de Leon, at mga netizen na agree sa naging saloobin ni Ice.
Sa IG post naman ni Maine Mendoza, nagpaalam at nagpasalamat na rin ito, “hanggang sa muli, dabarkads. maraming salamat, @eatbulaga1979.”
Simpleng, ‘Always and forever… @eatbulaga1979″ ang post ni Alden Richards. Kasunod niyang post ang photo nila ni Bossing Vic, kasama ang three hands praying emoji.
Three heartbroken emojis naman ang comment ni Judy Ann Santos, na asawa ng co-host ng EB na si Ryan Agoncillo. Isa rin si Ciara Sotto sa labis na nalungkot, na isa sa mga dating co-host ng Eat Bulaga!
Nagpahayag din ng kanilang kalungkutan sina Regine Velasquez, Mariel Padilla, Shaina Magdayao, Charlene Gonzalez, Sunshine Cruz, Kakai Bautista, Nikki Valdez, Ruffa Gutierrez, Mikee Cojuangco at marami pang celebrities.
Anyway, bago pa mag-May 31, usap-usapan na ang balitang ‘nagkapirmahan’ na raw ang TVJ paglipat nila sa TV5.
Bukod pa sa bali-balitang baka sa NET25 ang susunod niyang tahanan, dahil may kanya kanyang show doon sina Tito, Vic and Joey.
Ayon nga sa solid ‘Dabarkads’, na posibleng ito rin ang maging title ng new noontime show, saan man sila mapunta o mapadpad, susunod at susuportahan nila ang grupo ng TVJ.
(ROHN ROMULO)
-
Kahit may pagkakataon dahil dumalo sa ‘GMA Gala 2023’: VICE GANDA, ‘di nagawang lapitan ang nilait na award-winning host na si JESSICA
HINDI nagawang lapitan ni Vice Ganda ang award-winning host na si Jessica Soho kahit may pagkakataon ito noong dumalo ito sa GMA Gala 2023. Inamin ni Vice na kinakabahan siyang dumalo sa GMA Gala 2023 dahil bukod sa iisipin ng ilan na s’ya ay gatecrasher at makapal ang mukha, sampung taong rin kasi […]
-
Malacañang tikom sa pagtaboy ng barko ng China sa lantsa ng Pinas
Tikom ang Malacañang sa napaulat na pagtaboy ng isang armadong barko ng China sa isang civilian vessel kung saan nakasakay ang crew ng ABS-CBN sa West Philippine Sea. Ipinauubaya ni Presidential spokesperson Harry Roque sa Department of Foreign Affairs at sa Department of National Defense ang nasabing isyu. Iniulat noong Huwebes […]
-
Sa pagbabalik ng ‘Kusina ni Mamang’ sa BuKo Channel POKWANG, excited na sa mga special guests na magbabahagi ng kani-kanilang istilo sa pagluluto
HUMANDA sa pagluluto ng isang bonggang handaan dahil ang ‘Kusina ni Mamang’, ang sikat na cooking show ng BuKo Channel, ay nagpapasaya na naman ngayong Tag-araw. Magiging kakaiba ang taon na ito, na nangangako na dadalhin ang mga manonood sa isang culinary journey na may mga featured dish na inspired ng tunay na lutuing Pinoy. […]