DOT pinutol ang kontrata sa ad firm na gumamit ng ‘stock footage’
- Published on July 5, 2023
- by @peoplesbalita
KINANSELA na ng Department of Tourism (DOT) ang kontrata nito sa advertising company na DDB Philippines na nasa likod ng inilabas na campaign video sa turismo ng bansa na “Love The Philippines.”
Nag-ugat ito sa pag-amin mismo ng ahensya na gumamit ng “stock footage” sa audiovisual presentation nito sa bagong promotional video na pinuna ng blogger na si Sass Sasot kung saan mapapanood ang ilang eksena na hindi kinuha sa Pilipinas kundi sa ibang bansa.
Kabilang sa tinukoy ang kuha umano sa rice terraces sa Bali, Indonesia; isang mangingisdang naghahagis ng lambat sa Thailand; isang pampasaherong eroplano sa Zurich, Switzerland; tumatalon na mga dolphin; at isang taong nagmamaneho ng sasakyan sa mga buhangin sa Dubai, United Arab Emirates.
Sa isang pahayag nitong Lunes, sinabi ng DOT na nilabag ng DDB Philippines ang ilang mga tuntunin sa ilalim ng kontrata ng campaign branding sa turismo kabilang ang paggamit ng mga orihinal na materyales para sa promotional video.
“As DDB Philippines has publicly apologized, taken full responsibility, and admitted in no uncertain terms, that non-original materials were used in their AVP, reflecting an abject failure to comply with their obligation/s under the contract and a direct contravention with the DOT’s objectives for the enhanced tourism branding, the DOT hereby exercises its right to proceed with termination proceedings against its contract with DDB,” saad sa isang pahayag ng DOT.
“The DOT shall exercise its right to forfeit performance security as a result of default in obligations under the contract, as well to review standards of performance or lack thereof vis-a-vis any claims for payment and/or any other engagement,”dagdag pa nito.
Nitong Linggo, Hulyo 2, 2023 nang humingi ng paumanhin ang nasabing ad agency sa DOT sa pag-amin na ginamit nila ang non-original stock footage sa campaign video, isang araw matapos iutos ng DOT ang imbestigasyon sa kinukuwestiyong video. (Daris Jose)
-
Mas marami ng mga Bulakenyo ang makikinabang sa serbisyong medikal
LUNGSOD NG MALOLOS – Mas marami ng mga Bulakenyo ang makikinabang sa serbisyong medikal makaraang pasinayaan ng Pamahalaang Panlalawigan ng Bulacan sa pangunguna ni Gobernador Daniel R. Fernando ang bagong Outpatient Department ng Bulacan Medical Center sa isang programa na isinagawa sa bagong OPD building na matatagpuan sa Bulacan Medical Center Compound, Brgy. Guinhawa dito […]
-
Kalahating trilyong piso para sa climate change mitigation
NAGLAAN ang pamahalaan ng P500 bilyong para sa mga proyektong gagawin nito na may kinalaman sa climate change mitigation. Sinabi ni Department of Budget and Management Secretary Amenah Pangandaman, na bahagi ito ng 2023 national budget at gagamitin sa mga proyektong ilalatag ng gobyerno para mabawasan ang masamang epekto ng pagbabago ng panahon. […]
-
‘Shazam’ star Zachary Levi Wanted To Play ‘Deadpool’ For Years, Jealous of Ryan Reynolds
SHAZAM star Zachary Levi reveals he dreamed of playing Deadpool for years before Ryan Reynolds would ultimately be cast as the Merc with a Mouth. Originally created by Fabian Nicieza and Rob Liefeld, Deadpool made his comic book debut in The New Mutants No. 98 as a supervillain before later evolving into his iconic antihero persona and becoming well-loved […]