Sana ako si Santa Klaus (1)
- Published on December 23, 2020
- by @peoplesbalita
PASKO 2020 na po sa darating na Biyernes, Disyembre 25.
At kagaya po nang nakagawian ng Opensa Depensa sapul noong 1997 dito sa People’s BALITA Sports, may mga gusto po akong mangyari o ako po’y may mga kahilingan sa ating Dakilang Diyos.
O sana ako lang po si Santa Klaws para matupad ang aking mga Christmas wish sa ating mga atleta at opisyal sa sports
Narito po sila:
Philippine Sports Commission (PSC) Chairman William ‘Butch’ Ramirez – Makalipas pamunuan sa overall championship ang Pilipinas sa 2015 Southeast Asian Games at 2019 SEA Games pareho sa ating bansa, nawa’y makamit na rin ng mga Pinoy ang hindi lang unang gold medal, dalawa o higit pa sa 32nd Summer Olympics Games 2020 sa Tokyo, Japan na inurong lang sa Hulyo 2021 dahil Covid-19.
Philippine Olympic Committee (POC) president Abraham’Bambol’ Tolentino – Makatuwang ng PSC at mga national sports associations (NSAs) para sa misyon ng ‘Pinas sa Olympic gold, na hindi lang sana isa kundi lampas pa sa nasabing bilang.
Pole vaulter Ernest John ‘EJ’ Obiena – Makakopo ng Tokyo Olympic gold para hindi naman masayang malaking ginasta ng gobyerno o PSC sa Italy training camp at pagkalinga rin ng Philippine Athletics Track and Field Association (PATAFA) sa pamumuno ni president Philip Ella Juico.
Gymnast Carlos Edriel ‘Caloy’ Yulo – Kagaya ni Obiena, makaginto rin sana sa Tokyo Games dahil din sa malaking gastos na sa kanya ng pamahalaan o nabanggit na sports agency, at asikaso rin ng Gymnastics Association of the Philippines (GAP) sa pagti-training sa Japan.
Boxer Eumir Felix Marcial – Sawa na ang Diwang Kayumanggi at ang Association of Boxing Alliances in the Philippines (ABAP) sa silver at bronze medals sa mga nakaraang Olimpiks mulasa iyong sport, kaya dapat gold na ang maupakan mo o ninyo ni Irish Magno sa Japan lalo’t inaruga rin kayo ng PSC.
National Sports Associations (NSAs) – May makapasa pang mga atleta ninyo para masamahan ang mga pambato ng PATAFA, GAP, at ABAP sa papasok na taong Olympics sa mga darating na buwang pagsali ng inyong mga manlalaro sa iba’t ibang Olympic Qualifying Tournament (OQT).
Hanggang po bukas uli. (REC)
-
Tolentino nais mag-USTe
ISA sa mga gumawa ng pangalan sa Ateneo de Manila University Lady Eagles sa University Athletic Association of the Philippines (UAAP) women’s indoor volleyball ang player na si Katrina Mae ‘Kat’ Tolentino. Pero kung pagkakataong makapamili ng iba pang mapaglalaruan bukod sa ADMU-Quezon City, sa University of Santo Tomas Golden Tigresses ang pangarap ng Premier […]
-
Ilang mga NBA players nakipagpulong kay Pope Francis
Nakipagpulong si Pope Francis sa ilang NBA player na mga opisyala ng National Basketball Players Association. Napag-usapan sa pagpupulong tungkol sa social injustice issues. Kinabibilangan ito nina Kyle Korver ng Milwaukee Bucks, Sterling Brown ng Houston Rockets, Jonathan Isaac ng Orlando Magic, Anthony Tolliver ng Memphis Grizzles at Marco Belinelli ng San Antonio […]
-
Followers ni KRIS, umaasang mapapanood na nila sa isang talk show
BASE sa teaser na pinost ni Kris Aquino sa kanyang IG account at FB page nitong Miyerkoles ng gabi at binanggit niya ang PURE AT GOLD, posible kayang mapanood na siya sa isang talk show at ang Puregold ang producer niya? “And there’s not much left of me, what you get is what you […]