Gobyerno, naghahanda para sa epekto ng El Niño sa food security, inflation – NEDA
- Published on July 11, 2023
- by @peoplesbalita
TINIYAK ng National Economic and Development Authority (NEDA) sa publiko na gumagawa na ng hakbang ang administrasyon ni Pangulong Ferdinand R. Marcos Jr. para pagaanin ang posibleng negatibong epekto ng El Niño phenomenon sa bansa.
Sinabi ni NEDA Undersecretary Rosemarie Edillon, na ang epekto ng long-dry spell ngayong taon, partikular na sa inflation, ay hindi inaasahang magiging makabuluhan.
Gayunpaman, inaasahan naman na mangyayari ang matinding phenomenon sa simula ng 2024.
“Iyong brunt talaga ng El Niño we expect it to happen by beginning of next year of 2024 kaya lang iyong preparasyon para doon kailangan ngayon nagsisimula na,” ayon kay Edillon.
Tinukoy ni Edillon ang pagbabawas sa alokasyon para sa irrigation water pabor sa ‘residential use’ sa Angat Dam ay makatutulong na mapagaan ang epekto ng phenomenon.
“The planting season has already concluded, eliminating the need for irrigation water at this point,” ayon pa kay Edillon.
Winika pa nito na ang madalas na pag-ulan na nararanasan sa buong bansa ay dapat na samantalahin, gaya ng pabilisin ang pagkumpleto sa maliit na ‘impounding water projects.’
“So, again ngayong taon na ito hindi namin nakikita iyon. Kung impact for next year that really depends on how we’re able to prepare this year,” aniya pa rin.
Sinabi pa ni Edillon, nakikita ng pamahalaan na walang makabuluhang epekto ang El Niño sa ekonomiya at inflation ng bansa kung ang tama at napapanahon na paghahanda at contingency measures ay nasa tamang lugar. (Daris Jose)
-
Hiling ni Vhong Navarro na manatili sa NBI, ibinasura ng korte
IBINASURA ng korte ang mosyon ng aktor/TV host na si Vhong Navarro na manatili siya sa detention facility ng National Bureau of Investigation (NBI) kaugnay sa kasong rape na kinaharap nito. Una nang inihain ni Atty. Alma Mallonga, abogado ni Navarro, ang isang urgent motion upang mapanatili sa kustodiya ng NBI ang aktor. […]
-
ADMU suportado ang seniors na gustong mag-pro
Walang balak ang Ateneo de Manila University na hadlangan ang mga senior players nito na nagnanais pumasok sa professional leagues sa basketball at volleyball. Ito ang parehong inihayag nina men’s basketball head coach Tab Baldwin at women’s volleyball head coach Oliver Almadro kung saan parehong susuportahan ng dalawa ang sinumang players nito na magpapasyang […]
-
8,773 bagong COVID-19 cases naitala ng DOH, ika-2 ‘all time high’ this week
Nakapagtala ang Department of Health ng 8,773 bagong infection ng coronavirus disease ngayong Huwebes, kung kaya nasa 693,048 na sumatutal ang nahahawaan nito sa bansa. Batay sa mga bagong nakalap na datos ng Kagawaran ng Kalusugan, narito ang bagong mga pasok na datos para araw na ito: lahat ng kaso: 693,048 nagpapagaling […]