Foreign vessel na bumangga sa mga Pinoy papanagutin – PBBM
- Published on October 6, 2023
- by @peoplesbalita
NANGAKO si Pangulong Ferdinand “Bongbong Marcos Jr. na papanagutin ang foreign commercial vessel na bumangga sa sinasakyang bangka ng mga Pinoy na mangingisda na ikinasawi ng tatlo katao sa Bajo Masinloc, kamakalawa ng madaling araw.
Ayon kay Marcos, gagawin lahat ng pamahalaan ang paraan para mabigyang hustisya ang pagkamatay ng tatlo.
“We assure the victims, their families, and everyone that we will exert every effort to hold accountable those who are responsible for this unfortunate maritime incident,“ pahayag pa ng Pangulo sa kanyang post sa X (dating twitter).
Iginiit pa ng Pangulo na sa ngayon ay nagsasagawa na ang Philippine Coast Guard (PCG) ng back tracking at checking sa lahat ng monitored vessels sa Bajo de Masinloc.
Hahayaan na lamang umano ang PCG na gawin ang kanilang trabaho na mag-imbestiga at iwasan muna ang anumang espekulasyon sa ngayon.
Kasabay nito, nagpahayag naman ng pagkalungkot ang Pangulo sa pagkamatay ng tatlong mangingisda kabilang ang kapitan ng fishing vessel matapos itong banggain ng isang fishing commercial vessel.
Siniguro naman ni Marcos na bibigyan ng suporta at ayuda ang mga biktima ng naturang insidente. (Daris Jose)
-
57 kindness station, binuksan ng Diocese of Novaliches
Umaabot na sa 57 sa mga parokya sa Diocese ng Novaliches ang nagbukas ng mga Kindness station o community pantries. Ayon kay Novaliches Bishop Roberto Gaa, ang bilang ay 70 porsiyento ng kabuuang parokya sa diyosesis. “Ito ang milagro ng community pantry sa daming gustong tumulong at nirerecognize kasi nila na […]
-
Competency o kakayahan, pangunahing criteria sa pagtatalaga bilang Marcos admin officials
WALANG palakasan at political connections sa pagtatalaga bilang public managers ng gobyerno. Sa katunayan, ang pagpili bilang Marcos admin officials ay base sa merito at kakayahan na magampanan ang kanilang government functions. Sa idinaos na Public Leaders’ Summit (PLS) ng Career Executive Service Board (CESB) noong nakaraang linggo, sinabi ni Executive Secretary Victor […]
-
Mark ‘Magnifico’ Magsayo, bagong mukha ng ‘Laban Lang’ campaign
MATAPOS masungkit ang WBC featherweight belt noong nakaraang Enero, tuluyan nang namayagpag ang pangalang Mark “Magnifico” Magsayo hindi lamang sa mundo ng boxing kundi sa buong sports community. At ngayon, mas lalo pang makikilala ang husay at lakas ng isang Pilipinong mandirigma lalo pa at isa na siya sa mga kumakatawan sa “Laban […]