• April 4, 2025
  • Ang Diyaryong Pinagkakatiwalaan

Mga nagawa ni PBBM gamiting pundasyon sa gagawin ni Laurel sa DA

Pinuri ni Speaker Ferdinand Martin  Romualdez ang pagtatalaga ni Pangulong Marcos  sa negosyanteng si Francisco Tiu Laurel Jr. bilang kalihim ng Department of Agriculture (DA).
Ayon kay Romualdez, maaaring gamitin ni Laurel ang mga nagawa ng pangulo sa sektor ng agrikultura at pangingisda bilang pundasyon ng kanyang mga gagawing reporma sa ahensiya para maparami ang suplay ng pagkain sa bansa.
Hindi agad nagtalaga si Pang. Marcos ng kalihim ng DA nang maupo ito sa Malacañang at pinamunuan muna ang ahensya habang naghahanap ng nararapat na indibidwal sa puwesto.
Nagpasalamat naman si Speaker  sa dedikasyong ipinakita ni Marcos sa paghawak nito sa DA.
Si Laurel ang pangulo ng Frabelle Fishing Corp. Siya ay naging opisyal din ng iba pang kompanya gaya ng Frabelle Shipyard Corp. at Westpac Meat Processing Corp.
Ayon kay Romualdez, ang malawak na karanasan ni Laurel ay makatutulong sa pagpapa-unlad ng sektor ng pagsasaka at pangingisda.
Ang pagtatalaga umano sa lider ng Frabelle Fishing Corp. ay pagpapakita ng kahalagahan ng pribadong sektor sa pagpaparami ng suplay ng pagkain at pag-angat ng ekonomiya ng bansa, at paggamit ng teknolohiya sa agrikultura.
Ayon sa lider ng Kamara ang pagsasama ng pribadong sektor at agrikultura ay hindi lamang negosyo. (Ara Romero)
Other News
  • Napatunayang kabaligtaran ang nakarating sa kanya… KIRAY, gustong balikan isa-isa ang mga nagsabi ng paninira kay MARIAN

    SA grand mediacon ni Kapuso Primetime Queen Marian Rivera, na nagbabalik-serye sa “My Guardian Alien”, ipinagtanggol ni Kiray Celis ang aktres tungkol sa mga kanegahan sa ugali nito at mahirap ding katrabaho.     Pinatunayan nga ni Kiray na fake news ito dahil siya mismo ang nakasaksi sa kabaitan ni Marian, na first time lang […]

  • Nagpainit sa campaign video ng underwear brand: Sparkle hunk na si BRUCE, bagong pantasya ng netizens

    ANG Sparkle hunk na si Bruce Roeland ang bagong pantasya ng netizens dahil sa paglabas ng kanyang campaign video para sa underwear brand na Bench Body.     Sa naturang 15-second video on Instagram, suot lang ng dating child actor ay black underwear, cowboy hat at naka-display ang kanyang rock hard abs. Isa si Bruce sa nagpainit sa mga […]

  • NCR, Cebu, Davao ang makakatanggap ng Pfizer COVID-19 vaccines: DOH

    Mga piling lugar sa Pilipinas muna ang makakatanggap ng COVID-19 vaccines na gawa ng Pfizer-BioNTech, ayon sa Department of Health (DOH).     Kabilang na rito ang National Capital Region (NCR), at mga lalawigan ng Cebu at Davao.     Paliwanag ni Health Usec. Maria Rosario Vergeire, ang desisyon para sa limitadong distribusyon ng Pfizer […]