Balitang-balita na ang plano sa Maynila: ISKO, wala nang balak mag-mayor at posibleng tumakbo si Sen. IMEE

WALA na raw balak na puntiryahin ni dating Manila Mayor, aktor at TV host Isko Moreno ang pagiging alkalde ng Maynila.

Kaya malakas ang ugong na si Sen. Imee Marcos daw ang makakalaban ng kasalukuyang Ina ng Maynila na si Mayor Honey Lacuna. Pero itinanggi naman ng isang malapit sa Senadora. But still, mukhang may katotohanan ang isyu dahil kaliwa’t kanang gumagalaw ngayon sa siyudad ng Maynila ang mga tàuhan ng senadora. Kamakailan lamang ay may ipinamahagi silang ayuda sa mga nasasakupan ng Maynila at dagdag pa rito yung iniisa-isang dinadalaw ng mga staff ni Sen. Imee ang bawat barangay ng nasasakupan ng Maynila. “Tatakbo yang Mayor ng Maynila, namigay sila ng kalendaryo at kung anik-anik pa sa bawat baranggay at ang sabi may mga kasunod pa raw yan,” sey ng nakausap naming isang brgy. captain na supporter ng senadora. Nakakuwentuhan din namin ang isang staff ni Mayora Lacuna na open naman daw sila sa posibilidad na pagtakbo ni Sen. Imee bilang mayor ng City of Manila. Pero ayon sa kanya malabong mangyari raw ng magkalaban ang dalawa. Kumbaga, hindi si Mayora Honey ang makakalaban ni Sen. Imee kung sakaling itutuloy ng huli ang planong pagtakbo.

Dagdag pa ng kausap namin na may pag-uusap naman daw ang mga nabanggit na dalawang babae kapwa public servant. Dagdag pa niya kung si Imee raw will seek the mayoral post ay maaring congressional seat daw ang puntiryahin ng first woman mayor ng City of Manila.

***

SPEAKING sa rigodon ng mga pulitiko ng Maynila nang hingan naman namin ng opinyon ni Vice Mayor Yul Servo ay napailing na lang ito. Ayon sa kanya abangan na lang daw natin sa mga susunod na buwan kung saan magpa-file na ng kanilang certificate of candidacy ang lahat ng tatakbo sa local elections. Sa ngayon daw ay tutukan daw muna niya ang obligasyon bilang pangalawang ama ng Maynila. Magse-seek pa ba si Vice Mayor Yul ng another term or babalikan na niya ang kongreso? “Well, let us wait and see kung anumang magiging desisyon ng Itaas, doon tayo,” banggit pa ni VM Yul sabay turo at senyas very popular God first sign nila ng dating mayor na si Isko Moreno.

(JIMI C. ESCALA)