Kelot kulong sa pagbebenta ng bari sa Caloocan
- Published on February 28, 2024
- by @peoplesbalita
BINITBIT sa selda ang isang lalaki matapos bentahan ng baril ang isang pulis na nagpanggap sa Caloocan City.Pinosasan kaagad ng mga tauhan ni Caloocan police chief P/Col. Ruben Lacuesta si alyas “Otep” nang tanggapin ang markadong salapi sa pulis na nagpanggap na buyer kapalit ng kalibre .22 na revolver na may kargang isang bala sa chamber.
Ayon kay Col. Lacuesta, isinagawa ang entrapment operation dakong alas-3 ng madaling araw sa harap ng tirahan ng suspek sa Phase 1 Package 4, Lot 10, Brgy. 176 matapos kumagat sa pain ng pulisya si Otep.
Nakarating ang impormasyon sa mga tauhan ni Col. Lacuesta ang ginagawang ilegal na pagbebenta ng armas ng suspek kaya’t halos isang linggo silang nagsagawa ng paniniktik at pagmo-monitor sa kilos ni Otep bago naisagawa ang transaksiyon.
Mahaharap ang suspek sa kasong paglabag sa R.A. 10591 o ang Comprehensive Firearms and Ammunition Regulation Act sa Caloocan City Prosecutor’s Office. (Richard Mesa)
Other News
-
Ads February 22, 2024
-
Ads February 28, 2024
-
Pole dancing pormal ng kinilala bilang national sports
Pormal ng kinilala bilang national sports ang pole dancing. Kinumpirma ito ng actress na si Ciara Sotto bilang pangulo ng Philippine Pole and Aerial Sports Association (PPASA) ang national association ng pole dancing na kinikilala ng International Pole Sports Federation at Philippine Olympic Committee. Sinabi nito na umabot sa mahigit dalawang taon para […]