• December 12, 2024
  • Search in People's Balita

  • Ang Diyaryong Pinagkakatiwalaan

 

Arrest warrant vs Quiboloy, pirmado na ng House

NAKATAKDA  nang isilbi ngayong linggo ang warrant of arrest laban sa kontro­bersiyal na si Kingdom of Jesus Christ (KOJC) founder Apollo Quiboloy.
Ito’y matapos na malagdaan ng House Executives sa pangunguna ni House Committee on Legislative Franchise Chairman at Parañaque City Rep. Gus Tambunting ang warrant of arrest.
Una rito, pinatawan ng contempt ng komite ni Tambunting si Quiboloy dahil sa hindi pagsipot sa mga pagdinig upang magpaliwanag kaugnay ng isyu sa paglabag sa legislative franchise ng Swara Sug Media Corporation na nago-operate sa SMNI.
Ang contempt ayon kay Tambunting ang hudyat para isyuhan ng warrant si Quiboloy.
Nabatid na nabigo si Atty. Ferdinand Topacio na kumbinsihin si Quiboloy na lumantad sa Kamara at humarap sa paglilitis kung saan binigyan ito ng ta­ning na hanggang Biyernes (Marso 15).
Sa kasalukuyan, nakahanda na rin ang detention facility na pagkukulungan kay Quiboloy sa Kamara kung saan magiging bantay sarado ito.
Umaasa naman si Tambunting na susuko ng mapayapa si Quiboloy sa susundo ritong mga operatiba na magpapatupad ng warrant of arrest.
Samantala, pinayuhan naman ni House Deputy Minority Leader at ACT Teachers Partylist Rep. France Castro si Quiboloy na sumunod sa batas at harapin ang Kongreso at Senado.
Una nang inindorso sa plenaryo ang House Bill 9710 o ang pagtatanggal ng legislative franchise ng SMNI na nakapasa na sa ikalawang pagbasa noong Miyerkules ng gabi kung saan nakatakda na itong ipasa sa ikatlo at huling pagbasa ngayong linggo bago ang Holy Week break ng Kongreso. (Daris Jose)
Other News

  • Estratehiyang gagamitin sa vaccination rollout para sa pediatric population, aprubado ng IATF – Roque

    INAPRUBAHAN ng Inter-Agency Task Force (IATF), araw ng Huwebes, Oktubre 28, 2021 ang inirekomendang estratehiya ang vaccination rollout para sa nalalabing pediatric population para makamit ang vaccination rate na 80% ng target population sa Disyembre 2021.   In-adopt naman ng IATF ang rekomendasyon ukol sa VaxCertPH, kabilang na ang opening requests para sa COVID-19 digital […]

    read more

  • JANINE, winelcome at feel na feel talaga na maging isang Kapamilya; RAYVER, suportado ang naging desisyon

    MAGANDA ang naging pag-welcome kay Janine Gutierrez ng ABS-CBN and for some reason, tila feel na feel talaga siya na maging isang Kapamilya.   Simula mag-join ng showbiz si Janine ay isa siyang Kapuso. Ngayon lang siya lumabas sa nakagisnang bakuran. At siguro naman nga, may malaking plano ang ABS-CBN kay Janine kaya dito siya […]

    read more

  • Bulacan, inilawan ang LED Christmas Tree

    LUNGSOD NG MALOLOS – Isang mas maliwanag na panahon ng Kapaskuhan ang naghihintay sa mga Bulakenyo dahil sa nakatakdang pag-iilaw ng Pamahalaang Panlalawigan ng Bulacan sa Christmas Tree na puno ng Light Emitting Diodes (LED) kahapon Nobyembre 24, alas-6:00 ng gabi sa harap ng gusali ng Kapitolyo dito.     Tinaguriang “Pag-iilaw ng Krismas Tree […]

    read more
People's Balita.
All rights reserved. © Copyright 2024.