PBBM, nasa Washington, DC para sa Trilateral meeting
- Published on April 12, 2024
- by @peoplesbalita
DUMATING na si Pangulong Ferdinand R. Marcos Jr. sa Washington, DC, Miyerkules ng gabi kasama ang delegasyon ng Pilipinas para sa trilateral meeting kasama ang Estados Unidos at Japan.
Dumating ang eroplanong lulan ang Pangulo kahapon ng alas- 7:47 ng gabi sa Joint Base Andrews sa Maryland kung saan ay mainit siyang sinalubong mga opisyal ng Philippine Embassy at Estados Unidos.
Ang Pangulong Marcos ay mayroong two-day working visit, una na rito ay para sa trilateral meeting kasama sina US President Joe Biden at Japanese Prime Minister Fumio Kishida para palakasin ang economic at maritime cooperation ng tatlong bansa.
Nauna rito, bago pa umalis ng Maynila, sinabi ng Pangulo na ang kanyang pagbisita sa Estados Unidos ay resulta ng kanyang nakalipas na pakikipagpulong kina Prime Minister Kishida at US Vice President Kamala Harris noong Setyembre ng nakaraang taon sa Jakarta, Indonesia.
Winika pa ng Pangulo na layon niya na i-explore ang mga paraan ng pagsusulong ng kooperasyon lalo na larangan ng “critical infrastructure, semiconductors, digitalization at cybersecurity, bukod sa iba pa.
Samantala, nakatakda namang makapulong ni Pangulong Marcos ang mga business leaders sa Estados Unidos at imbitahan ang mga ito na mamuhunan sa Pilipinas. (Daris Jose)
-
Tennis star Osaka nakiisa sa protesta
Tuluyan nang umatras sa paglalaro sa Western & Southern Open tennis tournament si Japanese star Naomi Osaka bilang pagpapakita ng suporta sa umano’y racial injustice sa America. Bilang protesta, inanunsyo ng 22-anyos na tennis star ang pag-atras nito sa palaro ilang minuto matapos ang pagpasok nito sa semifinals ng palaro. Matatandaang ilang sporting […]
-
Grupo ng mga guro, suportado ang hakbang ng DepEd na ihinto ang Best Implementers sa “Brigada Eskwela”
MALUGOD na tinanggap ng isang grupo ng mga guro sa buong bansa ang hakbang ng Department of Education na ihinto ang paggawad ng pinakamahusay na Brigada Eskwela implementers para sa school year na ito. Sinabi ng Alliance of Concerned Teachers (ACT) na sinusuportahan nito ang desisyon ng DepEd kasunod ng mga ulat ng […]
-
3 huli sa aktong bumabatak ng shabu sa Valenzuela
TATLO, kabilang ang 20-anyos na bebot ang arestado matapos mahuli sa aktong mga pulis na sumisinghot umano ng shabu sa loob ng kanilang lungga sa Valenzuela City, kamakalawa ng hapon. Kinilala ni Sub-Station 6 Commander PCPT Manuel Cristobal ang naarestong mga suspek bilang sina Manuelito Lopez, 47, construction worker, Yazzer Tizon, 36, kapwa […]