Isinugod sa ospital dahil sa pananakit ng tiyan: JULIE ANNE, nanghinayang na ‘di nakasama sa concert ni REGINE
- Published on April 25, 2024
- by @peoplesbalita
Nanghinayang si Julie Anne San Jose na hindi siya nakasama sa concert ni Asia’s Songbird Regine Velasquez matapos siyang isugod sa ospital.
Dinala si Julie sa ospital dahil sa matinding pananakit ng tiyan at migraine.
Ayon sa Asia’s Unlimited Star, nakapag-ensayo na siya isang araw bago ang naturang concert ni Regine. Kaya naman inaasahan niya ang naturang production number sana nila ng Asia’s Songbird.
“Paggising ko, bigla na lang ako nagsusuka tapos it went on for hours eh. Tapos sabi ko ayoko munang dalhin ‘yung sarili ko sa ospital kasi baka mamaya mawawala naman.
“Pero nung nagdire-diretso na hindi na talaga tumitigil, nagpaospital ako. Natakot din ako at tsaka ‘yung family ko natakot din sila. Even Rayver (Cruz) was there, pinuntahan din niya ako sa hospital.”
Nagpapasalamat si Julie Anne na naunawaan ni Regine ang kanyang kalagayan.
“Siyempre I felt bad pa rin kasi talagang looking forward ako na makasama ulit si Ate sa stage,” sabi pa ni Julie Anne na kakauwi lang mula sa successful Sparkle in Canada shows.
***
MAY mensahe si Kylie Verzosa sa netizens na nag-iwan ng body-shaming comments sa kanyang Instagram post na makasuot siya ng bikini.
Nag-post si Kylie ng “Get Ready With Me” video, na ipinakita niya ang kanyang diamond bikini top na sinamahan niya ng light-blue cargo pants at white boots para sa annual festival ng online retailer Revolve.
Sa comment section, may mga netizen na nag-iwan ng nakaiinsultong komento gaya ng “too dry” at “ugly.”
May mga nagtanong din kung may health problem o eating disorder ang beauty queen-actress.
Gayunman, may mga netizen naman ang nag-iwan din ng positibong komento at nagtanggol kay Kylie.
“I’m perfectly healthy and happy, I eat healthy and I take very good care of my health. It’s sad to see so many Filipinos judging their own. I’m super proud to come from here, but you guys make it hard to appreciate home. We’re far behind, and yet here we are still commenting on other people’s bodies,” sagot pa ni 2016 Miss International.
(RUEL J. MENDOZA)
-
Bong Go, hinikayat ang publiko na magpabakuna
HINIKAYAT ni Senador Christopher “Bong” Go ang mga Filipino na maging katulad ng mga NBA fans at magpabakuna laban sa COVID-19 kung gustong makalabas ng pamamahay. “Magpabakuna po kayo kung gusto niyong makalabas ng pamamahay ninyo,” ayon kay Go sa Talk to the People ni Pangulong Rodrigo Roa Duterte, Lunes ng gabi. “Sa […]
-
PCG at counterpart, nag-usap sa pagpapatrolya sa labas ng EEZ
INIULAT ng Philippine Coast Guard (PCG) na tinalakay nito kasama ang kanilang counterpart sa Japan at United States ang posibleng pagsasagawa ng pagpapatrolya sa labas ng Philippine Exclusive Economic Zone (EEZ) o tinatawag na’ high seas’. Ayon kay PCG commandant Admiral Ronnie Gil Gavan, tinalakay ng tatlong bansa ang usapin sa kamakailang Shangri-La […]
-
Pangangailangan sa pagdaragdag ng hotline para sa mga naghahanap ng ospital, handang i-ugnay ni Sec. Roque sa mga telcos
HANDA si Presidential Spokesperson Harry Roque na muling makipag- ugnayan sa mga telecommunication companies para maragdagan ang linya na maaaring matawagan ng mga mamamayan na naghahanap ng ospital upang doon madala ang mga kaanak nilang seryosong tinamaan ng virus. Sa harap na rin ito ng ulat na nahihirapang makapasok sa One Hospital Command Center […]