Manhunt ops vs Pastor Quiboloy pinalawak pa ng PNP – Malakanyang
- Published on April 30, 2024
- by @peoplesbalita
INIULAT ng Malakanyang na pinalawak pa ng Philippine National Police (PNP) ang kanilang manhunt operations laban sa puganteng si Pastor Apollo Quiboloy at maging sa mga kapwa-akusado nito na nahaharap sa kasong sexual at child trafficking.
Ito ay batay sa impormasyon na ipinarating ng PNP sa Palasyo.
Ayon kay PNP Spokesperson Police Colonel Jean Fajardo na hindi lamang sa Davao region nakatutok ang kanilang manhunt operations.
Nakikipag-ugnayan na rin ang PNP sa National Bureau of Investigation (NBI) sa pagtugis sa puganteng Pastor.
“Sa ngayon po ay hindi na lamang po limited sa Davao Region iyong ginagawa po nating paghahanap. Even dito sa Metro Manila and other areas are also [covered]. Information are also being validated to confirm the possible location of not only Pastor Quiboloy, but with other accused as well,” pahayag ni Col. Fajardo.
Binigyang-diin ni Fajardo na on-track ang PNP sa kanilang manhunt operation.
Magugunita na binawi na ni PNP Chief Police General Rommel Francisco Marbil nuong April 16,2024 ang gun permit ni Quiboloy.
Binigyan naman ng taning ng PNP si Quiboloy ng anim na buwan na isuko ang mga armas nito batay sa nakasaad sa ilalim ng Republic Act 10591, or the Comprehensive Firearms and Ammunition Regulation Act.
Ayon kay Fajardo na mahaharap sa kaukulang aksiyon si Quiboloy kapag hindi nito isinuko ang kaniyang mga armas.
Dagdag pa ng opisyal na pending ng kanilang inihaing Motion for Reconsideration ang mga nasabing baril ay hindi na lisensiyado at itinuturing ng loose firearms at subject na ito sa police operation.
Una ng inihayag ng Department of Justice (DOJ) na nasa bansa pa rin si Quiboloy. (Daris Jose)
-
Ectoplasmic Excitement: ‘Ghostbusters: Frozen Empire’ Teaser Electrifies Fans
GET ready to call the iconic ghost-busting team once more! ‘Ghostbusters: Frozen Empire’ teases a spine-tingling return to the supernatural franchise, exclusively in cinemas soon. Hold onto your proton packs, folks! The air is buzzing with supernatural electricity, and it’s not just because of the weather. The Spenglers, our beloved ghost-busting family, […]
-
Hirit ng mga transport group na dagdag pasahe, posibleng madesisyunan – LTFRB
SIGURADO umanong bago ang Hunyo 30 ay makakapagpalabas na ang Land Transportation Franchising and Regulatory Board (LTFRB) ng desisyon kaugnay ng hirit ng ilang transport group na dagdag pasahe. Sinabi ni LTFRB executive Dir. Maria Kristina Cassion, sisikapin daw ng board na makapagpalabas ng desisyon hanggang sa katapusan ng buwan. May […]
-
Suporta sa atletang sasabak sa Tokyo Olympics, tuloy – PSC
Siniguro ni Philippine Sports Commission (PSC) Commissioner William “Butch” Ramirez na tuloy ang kanilang buong suporta sa mga atletang lalahok sa 2021 Tokyo Olympics. Nangako ang PSC ng buong suporta kahit pa tinapyasan ng gobyerno ang kanilang pondo dahil sa coronavirus disease 2019 o COVID-19. Isiniwalat ng PSC, na aabot sa P1.3 billion ng […]