Oust Marcos plot, ‘hallucination’- Roque
- Published on May 10, 2024
- by @peoplesbalita
SINABI ni dating Presidential Spokesperson Harry Roque na “hallucination” lang ang napaulat na planong pagpapatalsik di umano ng kampo ni dating Pangulong Rodrigo Roa Duterte kay Pangulong Ferdinand Marcos Jr. sa puwesto.
Ang pahayag na ito ni Roque ay tugon sa ibinunyag ni dating Senador Antonio Trillanes III na dahil sa imbestigasyon ng International Criminal Court (ICC) laban kay dating Pangulong Duterte kung bakit may ugong at planong destabilisasyon ngayon sa administrasyong Marcos.
Sa ulat, sinabi ni Trillanes na dating mga retirado at aktibong opisyal ng Philippine National Police (PNP) na aniya ay sanggang dikit umano ni Digong ang kasama sa planong destab para pahiyain ang kasalukuyang administrasyon.
Nagsimula umano ang “recruitment”noong nakaraang taon subalit wala pang nahihikayat.
Kumbinsido si Trillanes na ang destab plot ay para protektahan si dating Pangulong Duterte mula sa pagpapalabas ng warrant of arrest ng ICC kaugnay ng kasong crime against humanity of murder sa kasagsagan ng kampanya laban sa illegal drugs.
Layon umano ng ouster plot na mapatalsik si Pangulong Marcos upang pumalit si Vice President Sara Duterte.
Napag-alaman na posibleng lumabas sa susunod na buwan ang arrest warrant ng ICC laban kay dating Pangulong Duterte.
Sa kabilang dako, napaulat din na humihingi na rin ng tulong ang ICC sa International Criminal Police Organization (Interpol) para maipatupad ang arrest warrant.
Muli namang iginiit ng dating Senador ang naunang pahayag na dahil may mga kasapi na ng PNP ang nagbigay ng kooperasyon sa ICC na nagpapatunay na may kinalaman ang administrasyong Duterte sa extra-judicial killings (EJK) noong panahon ng pamumuno nito.
Tinuran ng dating senador na nakilala na kung sinu-sino ang mga pasimuno sa planong pabagsakin ang gobyerno at may mga hakbang ng ginagawa ang pamahalaan hinggil dito. (Daris Jose)
-
PAUL, iba rin ang naging pasabog sa pag-post ng bagong underwear campaign
IBA ang naging pasabog ni Paul Salas noong nag-turn 23 years old noong nakaraang Biyernes. Ito ay ang pag-post niya ng bagong underwear campaign niya for Bench Body. Pinaglaway ng Kapuso hunk ang mga beki netizens sa bagong sexy pictorial niya kunsaan suot niya ay black and gray underwear. […]
-
Pope Francis binati ang mga mananampalataya sa Angelus prayer habang nasa ospital
Binati ni Pope Francis ang mga mananampalataya habang ito ay nasa pagamutan. Isinagawa nito ang lingguhan Angelus prayer sa balkunahe mismo ng Gemelli University Hospital sa Roma kung saan siya naka-confine at nagpapagaling. Sinabi nito na labis siyang nasisiyahan dahil sa naipagpatuloy ang pagsisilbi sa Maykapal. Napagtanto niya habang […]
-
Nag-viral na video ni Kapitana, idinulog kay Mayora
PINASISILIP ng ilang residente kay Taguig City Mayor Lani Cayetano ang umano’y walang habas na pagmumura at paninigaw ng isang Kapitana ng isang barangay sa mga kabataan sa Brgy. East Rembo. Ito ay makaraang nag-viral ang isang video na inupload ng isang anonymous sender kung saan nagkaroon ng iringan sa pagitan ng Kapitana […]