Mayor Guo sinalag ‘conspiracy’ sa POGO
- Published on June 24, 2024
- by @peoplesbalita
NANINDIGAN si Bamban Tarlac Mayor Alice Guo na wala itong koneksyon sa anumang Philippine Offshore Gaming Operator (POGO) operations sa bansa kaya maling tawagin itong “conspirator” nang walang matibay na ebidensya.
Ang pahayag ay ginawa ni Mayor Guo bilang reaksyon sa kasong Anti-Trafficking in Persons na isinampa laban sa kanya sa Department of Justice (DOJ) ng Philippine National Police Criminal Investigation and Detection Group (PNP-CIDG) at ng Presidential Anti-Organized Crime Commission (PAOCC).
Giit ni Mayor Guo, ang pagkakaroon lamang ng koneksyon sa mga kumpanya o indibidwal ay hindi sapat na batayan upang tawagin ang isang tao na kasabwat.
Inihayag ng alkalde na ang mga ganitong akusasyon ay kailangang masuportahan ng sapat na ebidensya.
“Ang pagiging conspirator ay may legal na batayan sa ating bayas. Ang pagkakaroon ng koneksyon sa mga kumpanya o indibidwal, lalo na kung hindi malinaw, ay hindi sapat upang iugnay ang isang tao sa kaso, partikular na sa kaso ng Human Trafficking,” sabi ni Mayor Guo.
Binanggit niya na wala siyang anumang kaugnayan o pakikibahagi sa Zunn Yuan Technology, Inc. o anumang POGO sa bansa.
Kahit na hindi pa natatanggap ang kopya ng pormal na reklamo, nananatiling kumpiyansa si Mayor Guo na walang sapat na ebidensya na mag-uugnay sa kanya sa mga paratang.
Ipinahayag niya ang kanyang pangamba na ang mga paratang ay maagang inilabas sa publiko bago pa man ipakita ang anumang kongkretong ebidensya.
Aniya, tila niluto muna sa publiko at sa media ang mga alegasyon bago ito isinampa laban sa kanya. (Daris Jose)
-
Landslide win ni Bongbong sa 2022 Presidential elections posible ayon sa isang online survey
Sa kabila ng mga batikos na ibinabato sa kanya, lumilinaw ang tiyansa ni Presidential aspirant Ferdinand ‘Bongbong’ Marcos, Jr. na magtala ng landslide na panalo sa darating na 2022 elections ayon na rin sa resulta ng isang online survey na isinagawa ng isa sa mga pangunahing pahayagan sa bansa. Nanguna si Marcos […]
-
Mga tren sa Metro Manila mananatili sa 70% passenger capacity – DOTr
Mananatili sa 70 percent ang pinapahintulutang passenger capacity sa lahat ng mga tren sa Metro Manila kahit pa simula bukas, Enero 3, ay ilalagay na ulit ang National Capital Region sa ilalim ng Alert Level 3. Ayon sa Department of Transportation (DOTr), patuloy pa rin naman ang pagpapatupad sa mga health protocols sa […]
-
Supply ng bigas sa bansa, sapat hanggang sa pagtatapos ng El Niño
KUMPIYANSA si Pangulong Ferdinand Marcos Jr. na sasapat ang suplay ng bigas sa bansa hanggang sa pagtatapos ng El Niño phenomenon sa Pilipinas sa susunod na taon. Ito ang binigyang-diin ng pangulo kasunod ng kaniyang pakikipagpulong sa mga stakeholders ng industriya sa pangunuguna Private Sector Advisory Council at Philippine Rice Stakeholders Movement sa […]