Leptospirosis cases sa ‘Pinas nasa 878 na; 84 nasawi – DOH
- Published on June 29, 2024
- by @peoplesbalita
NAKAPAGTALA ang Department of Health (DOH) ng pagtaas ng mga kaso ng leptospirosis sa Pilipinas bunsod na rin ng mga nakalipas na mga pag-ulan at pagbaha.Ayon sa DOH, batay sa isinasagawa nilang patuloy na WILD (Water-borne illness, Influenza-like Illness, Leptospirosis, and Dengue) monitoring, naobserbahan nila na sa Morbidity Week 24 (Hunyo 15, 2024), ang kabuuang bilang ng mga kaso ng leptospirosis ay nasa 878 na.
Paliwanag ng DOH, bagama’t ito ay kalahati lamang ng bilang ng 1,769 leptospirosis cases na naitala sa kaparehong panahon noong nakaraang taon, naobserbahan naman umano nila ang pagsisimula ng pagtaas ng weekly case count ng sakit dahil sa mga pag-ulan.
Sinabi ng DOH na mula sa anim lamang na naitala noong Mayo 5-18, umabot na sa 60 ang kasong naitala noong Mayo 19 hanggang Hunyo 1. Sinundan ito ng 83 kaso na naobserbahan naman mula Hunyo 2 hanggang 15.
Nabatid na maliban sa Zambonga Peninsula at Northern Mindanao regions, lahat ng rehiyon ay nakapagtala ng pagtaas ng leptospirosis cases mula sa nakalipas na buwan.
Umaabot na rin umano sa 84 na kaso ng pagkamatay dahil sa leptospirosis ang naitala ng DOH hanggang noong Hunyo 15 lamang.
Ayon sa DOH, ang leptospirosis ay isang bacterial infection na naililipat sa tao ng iba’t ibang hayop, gaya ng daga, sa tao, sa pamamagitan ng kanilang waste products, gaya ng ihi at dumi na nahahalo sa lupa, tubig at vegetation.
Other News
-
P7.9 bilyong COVID-19 allowance ng HCWs inilabas na
INILABAS na ng Department of Budget and Management (DBM) sa Department of Health (DOH) ang P7.92 bilyon One Covid-19 Allowance (OCA). Ang nasabing halaga ay nakalaan para sa 526,727 eligible na public at private healthcare workers (HCWs) at mga non-HCWs na ang trabaho ay may kaugnayan sa COVID-19 response. Sa nasabing […]
-
Bar Exams magpapatuloy sa buwan ng Nobyembre
MAGPAPATULOY ang 2022 Bar examinations gaya ng orihinal na naka-iskedyul sa buwan ng Nobyembre ayon sa Korte Suprema. Inihayag ni SC spokesperson Brian Hosaka na magpapatuloy sa November 9, 13, 16, at 20 ang 2022 Bar Exams. Samantala, sinabi rin ni Hosaka na mayroong 9,916 examinees ang inaasahan para sa Bar […]
-
Ads December 23, 2023