Para sa mga nasalanta ng Bagyong Carina… MARIAN at DINGDONG, nag-donate nang higit 700 relief packs
- Published on July 27, 2024
- by @peoplesbalita
NAG-DONATE sina Marian Rivera at Dingdong Dantes nang higit sa 700 relief packs sa GMA Kapuso Foundation bilang bahagi ng relief operations para tulungan ang mga komunidad na nasalanta ng Super Typhoon Carina at ng Habagat.
Nitong Biyernes ay makikita sa mga larawan na nagre-repack si Kapuso Primetime Queen ng mga relief goods sa bahay kasama ang kanyang pamilya bago ito personal na inilipat ni Kapuso Primetime King sa warehouse ng GMA Kapuso Foundations.
Pinost din ni Marian ang pasasalamat sa Waltermart family niya, na kung saan doon siya namili ng kanilang ibabahagi sa ating mga kababayan.
Sa report ni Aubrey Carampel, pinarating ni Yan na, “Maraming salamat dun sa mga nagbigay para at least makakalap kami ng ganung karaming bag para maibigay natin at ma-distribute natin sa mga kababayan natin.”
Pahayag naman ni Dong, “We decided to turn over everything dito sa GMA Kapuso Foundation kasi alam naman natin na GMA Kapuso Foundation is parati nauuna pagdating sa mga sites, sa ganitong klaseng mga sakuna.”
Sa Instagram Stories, ibinahagi nga ni Marian ang pagre-repack nila sa bahay, kasama ang mga tauhan at mga fashion stylists.
Pinusuan naman ng netizens ang pagsama ng mga anak na sina Zia at Sixto sa pagre-repack. Makikita rin sa isang video si Sixto na nakatapak na nagbubuhat ng relief bags.
***
MAGAGANAP na ngayong gabi ang pinakahihintay na collab concert ng taon.
Ipinagmamalaki ng GMA Synergy, sa pakikipagtulungan sa GMA Entertainment Group at 1Z Entertainment, ang “Julie X Stell: Ang Ating Tinig” na magtatampok kina Asia’s Limitless Star Julie Anne San Jose at Stell Ajero ng P-pop Kings SB19.
Ang multi-awarded concert director na si Paolo Valenciano ang nagdidirek ng concert ngayong gabi, July 27 at bukas, July 28 na gaganapin sa New Frontier Theater.
Sasamahan sina Julie at Stell sa unang gabi nina Rayver Cruz at Pablo ng SB19 at sa ikalawang gabi naman sina SB19’s Josh Cullen at Gary Valenciano.
Kaya huwag palampasin ang “Julie X Stell: Ang Ating Tinig” sa Hulyo 27 at 28 sa New Frontier Theater.
Available pa ang mga limitadong tiket sa pamamagitan ng mga TicketNet outlet sa buong bansa o sa pamamagitan ng ticketnet.com.ph.
Other News
-
‘Kusina Manileño’, iikot sa Maynila
Inilunsad ni Manila 3rd District Cong. John Marvin “Yul Servo” Nieto ang ‘Kusina Manileño na naglalayong maserbisyuhan ang mga residente ng Maynila sa simpleng pamamaraan. Ayon kay Nieto, ang mobile kusina na ‘Kusina Manileño’ ay nagsimula nang maglibot sa ilang barangay sa distrito 3 noong Huwebes upang mamahagi ng libreng pagkain. […]
-
Ads September 4, 2020
-
Bulacan, pinaigting ang iwas disgrasya sa panahon ng pandemya at pagsalubong sa Bagong Taon
LUNGSOD NG MALOLOS – Muling pinaigting ng Pamahalaang Panlalawigan ng Bulacan sa pangunguna ni Gob. Daniel R. Fernando ang kampanya para maiwasan ang disgrasya sa panahon ng pandemya at pagsalubong sa Bagong Taon. Ani Fernando, may inilinyang gawain ang Provincial Disaster Risk Reduction and Management Office (PDRRMO) at Provincial Cooperative and Enterprise Development Office (PCEDO) […]