Alice Guo, nasa Indonesia na!
- Published on August 22, 2024
- by @peoplesbalita
KINUMPIRMA ng Bureau of Immigration (BI) na nasa Indonesia na si dismissed Bamban, Tarlac Mayor Alice Guo.
Ayon kay BI spokesperson Dana Sandoval, bumiyahe si Guo mula sa Pilipinas patungong Malaysia noong Hulyo 16, at dumating sa Indonesia mula sa Singapore noong Agosto 18.
“Sa atin pong pagbantay sa mga counterpart intelligence information, nalaman natin nasa Indonesia ngayon. Tumawid siya from Singapore the other day, August 18,” ani Sandoval.
Aniya pa, nagsasagawa ngayon ng backtracking ang BI sa mga galaw ni Guo upang matukoy kung sinu-sino ang mga taong tumulong sa kanya upang makalabas ng bansa.
Hindi rin aniya nila inaalis ang posibilidad na may ilang opisyal ng BI na nasa likod nito.
Dagdag pa niya, maaaring maipa-deport pabalik ng Pilipinas si Guo, kung kakanselahin ang kanyang mga dokumento.
Sinabi naman ni BI Commissioner Normal Tansingco na base sa kanilang natanggap na impormasyon, hindi dumaan si Guo sa immigration nang lumabas ng Pilipinas.
Kasabay nito, Iniutos na ni Executive Secretary Lucas Bersamin nitong Martes, Agosto 20 ang kanselasyon ng Philippine passport ni Guo.
Ang memorandum ay inilabas ni Bersamin sa Department of Foreign Affairs (DFA) at Department of Justice.
Ayon kay Bersamin, dapat magsagawa ng “appropriate action” para sa pagkansela ng mga pasaporte ni Guo at ng kanyang mga kamag-anak na sina Wesley Guo, Sheila Leal Guo, at Cassandra Li Ong, ang awtorisadong kinatawan ng Philippine Offshore Gaming Operators (POGO) na ni-raid sa Porac, Pampanga.
Sinabi rin ni Bersamin na si Guo ay may arrest order sa Senado dahil sa ilang beses na pag-isnab sa pagdinig tungkol sa POGO.
“The DFA Secretary may cancel a passport in the interest of national security. Under the same law, one of the grounds for the cancellation of a Philippine passport is when the court issues an order for its cancellation as the holder is a fugitive from justice,” ani Bersamin.
Matatandaang sa privilege speech ni Sen. Risa Hontiveros sa Senado nitong Lunes, ibinunyag niya na si Guo ay umalis ng bansa patungong Kuala Lumpur, Malaysia noong Hulyo 18 pa.
Una nang nabunyag na si Guo at ang Chinese citizen na si Guo Hua Ping ay iisa dahil magkapareho ang kanilang mga fingerprints. (Daris Jose)
-
South Korea, nag-alok na i- rehabilitate ang Bataan Nuclear Power Plant-Research institute
DAPAT na ikunsidera ng gobyerno ng Pilipinas ang alok ng South Korea na i-rehabilitate o ayusin ang Bataan Nuclear Power Plant (BNPP), na makatutulong na mapalakas ang power capacity ng bansa. Sinabi ni Philippine Nuclear Research Institute Director Carlo Arcilla na ang alok ng South Korea na i-rehabilitate ang planta ay nagkakahalaga ng […]
-
DepEd, naglaan ng P1-B na pondo para sa expansion phase ng limited F2F classes
NAGLAAN ng humigit-kumulang isang bilyong piso ang Department of Education (DepEd) bilang support funds para sa lahat ng pampublikong paaralan sa buong bansa. Ayon kay Education Secretary Leonor Briones na ito ay bilang paghahanda ng kagawaran para sa mas dumarami pang mga paaralan na nakatakdang lumahok sa progressive expansion ng limitadong face-to-face classes […]
-
Nanghihinayang nang ‘di nasamahan… ANDREW, apektado sa pagpanaw ni RONALDO na tinuring na ring lolo
MARAMI ngang nagulat sa biglaang pagpanaw ng beterano at premyadong aktor na si Ronaldo Valdez, kaya nagluluksa na naman ang entertainment industry. Marami ring kapwa-artista ang may kanya-kanyang post na karamihan ay naging close at na-touch sa kabaitan ng aktor at isa si Andre Gan Calupitan na nakasama niya sa ‘2 Good 2 […]