40 sasakyang pang-dagat, dineploy
- Published on August 28, 2024
- by @peoplesbalita
MAY kabuuang 40 na sasakyang-dagat ng China kabilang ang tatlong warships ang idineploy noong Lunes sa Escoda Shoal sa West Philippine Sea upang harangin ang humanitarian mission doon ng Philippine Coast Guard (PCG).
Sinabi ni Commodore Jay Tarriela, tagapagsalita ng PCG para sa West Philippine Sea, anim na barko ng China Coast Guard, tatlong barkong pandigma ng People’s Liberation Army-Navy, at 31 Chinese maritime militia vessels ang naka-deploy nang magsagawa ng misyon ang BRP Teresa Magbanua.
Ayon pa kay Tarriela, sa panahon ng misyon na ito, ang People’s Republic of China ay nag-deploy ng labis na puwersa.
Hinarang ng ilan sa mga sasakyang ito ang mga barko ng PCG na BRP Cabra at BRP Cape Engaño na makalapit sa BRP Teresa Magbanua.
Ang pinakahuling insidenteng ito ay bahagi ng mga agresibong aksyon ng China sa Escoda Shoal.
Noong Linggo (Aug. 25) nagbomba ng water cannon ang mga sasakyang pandagat ng CCG laban sa isang barko ng Bureau of Fisheries and Aquatic Resources (BFAR).
Noong Agosto 19, ang BRP Cape Engaño at BRP Bacagay ay isinailalim sa CCG sa itinuturing ng PCG bilang agresibong mga maniobra habang binabagtas ang tubig mula sa shoal, na napinsala ang dalawang barko.
Hinimok ni Tarriela ang CCG na “sumunod sa internasyonal na batas at itigil ang pag-deploy ng mga puwersang pandagat na maaaring makasira sa paggalang sa isa’t isa, isang kinikilalang pangkalahatang pundasyon para sa responsable at mapagkaibigang relasyon sa mga Coast Guard.”
Nananatili ang Pilipinas sa patuloy na presensya sa Escoda Shoal kasunod ng mga hinihinalang aktibidad ng reclamation doon. GENE ADSUARA
-
PSC Chairman Dickie Bachmann pangako ang suporta para sa Pinoy atleta ng swimming
BINISITA kahapon ni Philippine Sports Commission (PSC) chairman Richard “Dickie” Bachmann si Olympian Kayla Sanchez at ang national water polo team na pukpukan sa kanilang training sa loob ng PhilSports Complex. Tiniyak ni Bachmann sa mga atleta, partikular sa national swimmers, ang all-out support ng PSC para sa mga ito na naghahanda sa 32nd […]
-
Skyway 3 mananatiling bukas
Matapos ang hindi pagkakaunawaan sa pagitan ng San Miguel Corp. (SMC) at Toll Regulatory Board (TRB) dahil sa di umano ay isang pahayag ng huli na magkakaron ng walang katapusang pagsasara ang Skyway 3. Subalit sa isang inilabas na opisyal na pahayag noong March 16 ng TRB ang sinasabing walang katapusang pagsasara ng […]
-
Bigo man sa titulong ‘Queen of the Mothertucking World’: MARINA, nag-iisang Asian na umabot sa Top 4 sa ‘RuPaul’s Drag Race: UK vs. the World’
BIGO na mapanalunan ng Pinay Drag Artist na si Marina Summers ang titulo na Queen of the Mothertucking World sa ‘RuPaul’s Drag Race: UK vs. the World’. Ang nagwagi ay si Tia Kofi ng UK. Umabot sa Top 4 si Marina pero napauwi siya nang hindi siya magwagi sa lipsync showdown. […]