Mga pulis, natuklasan ang ‘kumplikadong mga daanan’, mga armas sa loob ng KOJC estate
- Published on August 31, 2024
- by @peoplesbalita
NATUKLASAN ng kapulisan ang mga masalimuot na daanan, mga pampasabog, at iba pang nakamamatay na armas sa loob ng Kingdom of Jesus Christ (KOJC) compound sa Davao City sa nagpapatuloy na paghahanap sa kanilang lider na si Pastor Apollo Quiboloy.
Ipinresenta ni Department of the Interior and Local Government (DILG) Secretary Benjamin Abalos Jr. ang mga videos na kuha sa mga unang araw ng paghahanap kay Quiboloy, makikita ang pasikot-sikot na structural designs ng gusali sa loob ng 30-hectare estate.
Natuklasan din aniya ng mga pulis ang ‘secret passageway” patungo sa isang kuwarto at 42 gusali sa loob ng compound.
“This is now the secret door at dito ka ngayon papasok sa kuwartong ito . Nandiyan ang kuwarto ni Pastor Quiboloy. Liliwanagin ko lang, iilan lang yan. Hindi lahat puwede namin ipakita, iilan lang yang mga secret passage at yung mga nakikita namin,” dagdag na wika ng Kalihim.
Ipinakita rin nito ang video clips ng isa pang gusali na sumasailalim ngayon sa konstruskyon.
Aniya pa, nakikipag-ugnayan na sila sa Davao City Engineer’s Office para madetermina ang lahat ng uri ng kuwarto at daanan sa loob ng compound na nakadeklara sa construction plan na isinumite ng grupo.
“Bakit may mga ganitong construction? We are checking whether they declared or not declared at kung sakali man para alam namin kung saan kami lulusot dito. Nakakalito talaga. It’s a violation kapag hindi nakadeklara lahat ng intricate things na ginawa at binuo na puwedeng pagtaguan,” aniya pa rin.
Ipinakita rin ni Abalos ang mga larawan ng Molotov bombs at bolos na natuklasan ng kapulisan sa roof deck ng gusali.
Sinabi pa ni Abalos na naglagay ang mga taga-suporta ni Quiboloy ng barbed wires at live electrical wires sa loob ng compound.
Gayunman, tumanggi naman si Abalos na ipakita lahat ng mga video upang hindi aniya ‘ma-jeopardize’ ang nagpapatuloy na operasyon para matunton si Quiboloy.
“Mahirap ito. Nakita niyo ‘yung mga challenges na pinagdadaanan ng ating kapulisyahan as of now,” aniya pa rin.
Samantala, sinabi naman ni Police Regional Office (PRO) 11 (Davao) spokesperson Maj. Catherine Dela Rey na naniniwala sila na nasa compound pa rin si Quiboloy.
“We will never bomb or destroy your structure because we are not after the structure, we are not after the church, and we are not after the members. Implementing the warrant of arrest is our job, and we are ordered by the court to do so,” ang sinabi nito.
Nauna rito, pinasinungalingan naman ng PRO-11 ang lumabas na social media posts na bobombahin nito ang cathedral sa loob ng KOJC compound. (Daris Jose)
-
Natsugi na sina Misha at Nisha sa ‘Idol Philippines’: REGINE, inaming ‘devastated’ silang mga hurado sa naging resulta ng botohan
SA Twitter post ni Asia’s Songbird Regine Velasquez, inilahad niya ang kanyang nararamdaman sa naganap na tanggalan sa ‘Idol Philippines’, “Alam ko maraming nagulat sa inyo, kami rin. Sabi nga ni @chitomirandajr devastated kami. “Pero ito talaga ang patunay na YOU guys have the power to choose who will be the next @idolphilippines […]
-
Malacañang, ipinagtanggol ang byahe ng Pangulo sa Singapore
IDINEPENSA ni Press Secretary Trixie Angeles ang naging byahe ng Pangulong Ferdinand Marcos Jr. sa Singapore nitong weekend, kung saan namataan siyang nanonood ng Formula 1 Grand Prix, kasama ang anak nitong si Rep. Sandro at pinsan na si House Speaker Martin Romualdez. Ayon kay Angeles, naging produktibo ang pagdalaw sa Singpore ng […]
-
Kaabang-abang ang special guests sa Season 2: MIGUEL, ipinagmamalaki ang pilot episode ng ’Running Man PH’
IPINAGMAMALAKI ni Miguel Tanfelix ang pilot episode ng ‘Running Man Philippines Season 2.’ “Proud ako sa naging outcome ng Running Man dahil unang-una, pinaghirapan po namin and pangalawa, masaya po kami noong buong 43 days,” saad ni Miguel. Happy rin si Miguel dahil may bagong pamilya nabuo na kasama siya; solid […]