18,271 puwesto sa gobyerno, pupunan sa midterm polls
- Published on September 5, 2024
- by @peoplesbalita
INIHAYAG ng Commission on Elections (Comelec) na kabuuang 18,271 puwesto sa gobyerno ang nakatakdang punuan sa idaraos na National and Local Elections (NLE) sa Mayo 2025.
Ayon sa Comelec, pangunahin sa mga naturang posisyon ay 12 sa pagka-senador, 254 na miyembro ng House of Representatives at 63 party-list representatives.
Pupunuan din ang posisyon ng 82 gobernador, 82 bise gobernador, at 792 provincial board members.
Gayundin ang 149 city mayors, 149 city vice mayors, 1,582 city councilors, 1,493 town mayors, 1,493 town vice mayors, at 11,948 town councilors.
Pupunuan din ang 32 miyembro ng parliament ng Bangsamoro Autonomous Region in Muslim Mindanao (BARMM), at 40 BARMM party list representatives.
Ang filing ng certificate of candidacy (COC) ay itinakda na ng Comelec sa Oktubre 1 hanggang 8.
Umaarangkada pa naman ang voter registration period at magtatapos sa Setyembre 30, 2024.
-
PBBM, ipinag-utos sa PNP na paghusayin ang kakayahan sa komunikasyon, interoperability sa panahon ng operasyon
INATASAN ni Pangulong Ferdinand R. Marcos Jr. ang Philippine National Police (PNP) na mas maging madiskarte sa pagkuha ng communications equipment para mas mapahusay pa ang interoperability nito lalo na sa panahon ng emergency at crisis situations. Sa isinagawang unang PNP Command Conference na idinaos sa Quezon City, binigyang diin ni Pangulong Marcos […]
-
Valenzuela LGU pinasinayaan ang bagong boardwalk, inilunsad ang unang walkathon
BINUKSAN na ng Pamahalaang Lungsod ng Valenzuela ang “The Valenzuela Boardwalk”; isang 1.3 km ang haba na floodwall na may linear park at bike trail na sumasaklaw sa mga Barangay ng Coloong, Tagalag, at Wawang Pulo na layunin nito na magtaguyod ng malusog na pamumuhay para sa mga Valenzuelano Ang Valenzuela Boardwalk, ay […]
-
8 arestado sa tupada sa Malabon
WALONG katao ang natimbog matapos salakayin ng mga awtoridad ang illegal na tupadahan sa magkahiwalay na lugar sa Malabon City. Ayon kay PSSg Paul Colasito, nakatanggap ang mga oparatiba ng District Special Operation Unit (DSOU) sa ilalim ng pangangasiwa ni PLTCOL Jay Dimaandal ng impormasyon hinggil sa nagaganap na illegal na tupada sa […]