‘Maging malikhain sa paglutas ng trapiko’
- Published on September 11, 2024
- by @peoplesbalita
HINIMOK ni Senate Majority Leader Francis ‘Tol’ Tolentino ang mga lokal na pamahalaan na maging malikhain sa paghahanap ng solusyon sa mga problema sa trapiko.
Ginawa ni Tolentino ang pahayag sa groundbreaking ceremony ng Traffic Management Mentorship Assistance Program Center sa Tagbilaran City, Bohol.
Halaw sa kanyang mga karanasan bilang dating pinuno ng Metro Manila Development Authority (MMDA), ibinahagi ni Tolentino ang ilan sa ‘innovations’ na kanyang sinimulan para tugunan ang lumalalang trapiko sa Kalakhang Maynila.
Kabilang sa mga ito ang zebra pedestrian lanes, vertical gardens sa EDSA, at motorcycle lanes.
Aniya, ang motorcycle lanes na minarkahan ng asul na pintura na kanyang sinimulan bilang MMDA chair, ay patuloy na ginagamit hanggang sa kasalukuyan.
“Kapag dumaan kayo sa domestic airport, papuntang Terminal 2 o 4, may makikita kayong isang maliit na rotonda. ‘Yan po ay aking inisyatiba. Hindi po natin kailangan ng malalaking rotonda para pagbutihin ang daloy ng trapiko,” pahayag niya.
Bilang panghuli, ipinaalala ni Tolentino na sa bawat mungkahing solusyon, dapat isaalang-alang ang magaan at ligtas na paggalaw ng mga pedestrian, motorista, at iba pang mga gumagamit ng lansangan.
-
Rehab ng LRT 2 at extension nakaplano
NAKAPLANO na ang P10 billion na proyekto ng pamahalaan para sa overhaul ng bagon ng Light Rail Transit Line 2 at ang pagkakaron ng extension ng linya hanggang Tondo sa Manila. “We would entertain proposals from the private sector to rehabilitate the LRT 2 train cars, maintain the rail line, and expand it by […]
-
PDu30, hindi pisikal na makakasama sa pangangampanya ng mga senatorial bets
HINDI pisikal na makakasama si Pangulong Rodrigo Roa Duterte sa pangangampanya ng kanyang mga inendorsong kandidato sa pagka-senador para sa May 9 elections. Ang katwiran ni acting Presidential spokesperson at Cabinet Secretary Karlo Nograles ay “there are no official entries set yet in his calendar.” Sa kasalukuyan, ang Pangulo ay abala […]
-
Wage hike sa 14 rehiyon ipatutupad ngayong Hunyo — DOLE
INANUNSYO ng Department of Labor and Employment (DOLE) na 14 mula sa 17 rehiyon sa bansa ang inaasahang tatanggap na ng “wage increase” bago magtapos ang termino ni Pangulong Rodrigo Duterte. Ayon kay Labor Secretary Silvestre Bello kahapon, ang wage orders na inisyu ng 14 Regional Tripartite Wages and Productivity (RTWPBs) ay epektibo […]