P238K shabu nasamsam sa drug suspect sa Valenzuela
- Published on September 21, 2024
- by @peoplesbalita
MAHIGIT P.2 milyong halaga ng shabu ang nasamsam sa isang hinihinalang tulak ng ilegal na droga matapos maaresto ng pulisya sa ikinasang buy bust operation sa Valenzuela City, Biyernes ng umaga.
Sa report ni Valenzuela police chief P/Col. Nixon Cayaban kay Northern Police District (NPD) Director P/BGen. Rizalito Gapas, kinilala ang naarestong suspek na si alyas Gie, 57, ng lungsod.
Ayon kay Col. Cayaban, nakatanggap ng impormasyon ang mga operatiba ng Station Drug Enforcement Unit (SDEU) sa ilalim ng pangangasiwa ni P/Capt. Joan Dorado hinggil sa umano’y pagbibenta ng suspek ng shabu.
Nang magawa nilang makipagtransaksyon sa suspek, ikinasa ng SDEU sa pangunguna ni P/Lt. Johnny Llave ang buy bust operation na nagresulta sa pagkakaaresto sa kanya dakong alas-6:15 ng umaga sa Liwayway St. Brgy. Marulas, matapos umanong bintahan ng P7,500 halaga ng shabu ang pulis na nagpanggap ba buyer.
Nakumpiska sa suspek ang apat plastic sachets na naglalaman ng hinihinalang shabu na nagkakahalaga ng P238,000, buy bust money na isang P500 bill at pitong P1,000 boodle money, P200 recovered money, cellphone at coin purse.
Ani P/MSg. Ana Liza Antonio, kasong paglabag sa Sections 5 at 11 sa ilalim ng Art. II ng RA 9165 o ang Comprehensive Dangerous Drug Act of 2002 ang isasampa nila laban sa suspek sa Valenzuela City Prosecutor’s Office. (Richard Mesa)
-
Kelot arestado sa P102K shabu sa Valenzuela
KULONG ang isang hinihinalang tulak ng illegal na droga matapos makuhanan ng mahigit P.1 milyon halaga ng shabu sa isinagawang buy-bust operation ng pulisya sa Valenzuela city, kamakalawa ng gabi. Kinilala ni PLT Joel Madregalejo, hepe ng Valenzuela Police Station Drug Enforcement Unit (SDEU) ang naarestong suspek na si Allan Warde, 39 ng […]
-
Walang taas pasahe at pagkawala ng kabuyan dahil sa consolidation
ITO ang nilinaw ng pamahalaan na kahit na kalahati lamang ng mga public utility jeepneys (PUJs) sa Metro Manila ang nag consolidate ay hindi mangyayari ang pagtataas ng pamasahe at hindi mawawalan ng kabuhayan ang mga drivers at operators matapos ang binigay na deadline noong Dec. 31, 2023. Sa National Capital Region […]
-
‘Thank you for the ride, Sir’: Pacquiao, ibang miyembro ng Senado nagpasalamat kay Duterte
NAGPAHAYAG ng pasasalamat at pagbati sa social media ang ilang miyembro ng Senado para sa termino ni outgoing President Rodrigo Duterte. Sinabi ni Sen. Manny Pacquiao na nanatiling matatag si Duterte sa harap ng maraming problema. “Thank you, President Rodrigo Roa Duterte, for serving our country…. You remained steadfast as you […]