Ilang airports sa bansa sasailalim din sa privatization
- Published on October 9, 2024
- by @peoplesbalita
MAY plano ang Department of Transportation (DOTr) na isailalim ang operasyon ng ilang airports sa bansa upang lalong gumanda ang serbisyo at upang hindi na mahirapan ang Civil Aviation Authority of the Philippines (CAAP) sa pagiging operator at regulator ng halos lahat ng airports sa bansa.
Sa nakaraang ginawang 2024 Aviation Summit, sinabi ni DOTr usec Roberto Lim na nakahanda na ang kanilang ahensya na lumagda sa isang concession agreement sa Aboitiz InfraCapital (AIC) para sa operasyon at pagmimintina ng Laguindingan Airport sa Misamis Oriental. Ang nasabing proyekto ay nagkakahalaga ng P12.75 billion para sa ilalim ng 30 taong concession period.
Samantala, sa darating naman na November ang deadline sa gagawing “Swiss Challenge” para sa isang unsolicited bid ng Bohol-Panglao airport para sa operasyon ng nasabing airport. Ang Aboitiz din ang may “original proponent status” ng Bohol airport.
“We are excited to take on revitalizing Laguindingan Airport and collaborating with stakeholders to create a world- class facility that serves the travelers and the community alike,” wika ni AIC president at CEO Cosette Canilao.
Ayon naman kay Lim madami pang proyekto sa airports ang nasa pipeline para sa isang posibleng public-private-partnership (PPP) deal.
Kasama dito ang Puerto Princesa airport mula sa Prime Ventures ng grupo ni Villar habang ang Kalibo airport naman ay may bid mula sa Mega7. Dagdag ni Lim na may sampung proyekto pa sa airports ang may ibat-ibang antas ng PPP project development.
“We are trying to decongest CAAP with the burden of operating a facility. We want CAAP to unburden itself with responsibility of operating airports,” saad ni Lim
Sinabi rin ni Lim na gumagawa sila ng isang pag-aaral kasama ang Asian Development Bank (ADB) para sa isang posibleng bundling ng airports bilang isang package na lamang. Maaari nilang pagsamahin ang proyektong malaki kasama ang maliit na airports upang mas maging kaakit-akit sa mga investors.
“We could mix big airports together with small airports to make it more attractive to investors. We will make it sure to be economically viable and therefore attractive for the private sector to participate in undertaking a PPP. But there is also a development aspect,” dagdag ni Lim.
Sa ngayon, may 90 airports sa buong bansa kasama na ang mga maliliit na airports sa mga isla ng Pilipinas. Lima (5) lamang ang may operasyon ng pribadong sektor tulad ng Ninoy Aquino International Airport, Mactan-Cebu International Airport, Clark International Airport, Caticlan Airport, at Laguindingan Airport na kamakailan lamang ay nagkaron ng awarding ng kontrata. LASACMAR
-
Normal ang operasyon ng PUVs sa bansa-Malakanyang
TINIYAK ng Malakanyang na walang magiging aberya maliban sa kaunting ruta sa National Capital Region (NCR) sa gitna ng nagpapatuloy na transport group strike. Tinukoy ang mga ulat mula sa DOTr, LTFRB, MMDA at PNP, sinabi ng Malakanyang na sa pamamagitan ng Libreng Sakay program, nagbigay ang gobyerno ng libreng sakay para sa mga commuters […]
-
Ilongga scientist na nakatuklas ng gamot sa diabetes, nasa ‘Young Shapers of the Future’ ng Britannica
NAPABILANG sa listahan ng Young Shapers of the Future 2022 ng Britannica ang isang Ilongga scientist na nakatuklas ng gamot sa diabetes gamit ang prutas na aratiles. Sa panayam kay Maria Isabel Layson, 18-anyos na kumukuha ng kursong BS Chemistry sa University of the Philippines-Visayas, sinabi nito na labis ang kanyang kagalakan na […]
-
Ivana, tinupad ang wish ni Lloyd na maging bus washer
ANG laki ng ipinayat ng Kapuso actor na si Paolo Contis! Aba, e, nag-lose lang naman siya ng 30 lbs sa loob ng kulang dalawang buwan. Ang sikreto ni Paolo? Juicing! Dati nang nauso noon ang juicing, pero, masasabing effective talaga ito. Kasi, nakakapag- take ka pa rin ng lahat ng nutrients […]