Kelot na nagwala habang may bitbit na baril sa Valenzuela, timbog
- Published on November 12, 2024
- by @peoplesbalita
BAGSAK sa kalaboso ang isang lalaki nang damputin ng pulisya matapos maghasik ng takot makaraang magwala habang may bitbit na baril sa Valenzuela City.
Nahaharap sa kasong paglabag sa Art. 151 of RPC at RA 10591 o ang Comprehensive Frirearms and Ammunation Regulation Act ang naarestong suspek na si alyas “Aries”, 25, at residente ng Bulacan.
Sa kanyang ulat kay Northern Police District (NPD) OIC Director P/Col. Josefino Ligan, sinabi ni Valenzuela police chief P/Col. Nixon Cayaban na nakatanggap ng impormasyon mula sa isang concerned citizen ang mga tauhan ng Detective Management Unit (DMU) ng Valenzuela police hinggil sa isang lalaki na nagwawala at may bitbit umanong baril sa Alley ng Flaviano St., Brgy, Karuhatan.
Kaagad namang rumesponde sa nasabing lugar ang mga tauhan ng DMU kung saan nakita nila ang suspek na may hawak na baril at gumagawa ng kaguluhan na nakaisturbo at nagdala ng takot sa mga residente sa lugar.
Gayunman, nang mapansin ng suspek ang kanilang presensya ay agad nitong sinukbit sa kanyang baywang ang hawak na baril subalit, hindi na siya nakapalag nang sunggaban ng mga pulis dakong alas-4:20 ng madaling araw.
Nakumpiska sa kanya ang isang cal. 38 revolver na kargado ng tatlong bala kung saan nang hanapan siya ng papeles hinggil sa ligaledad ng naturang baril ay walang naipakita ang suspek. (Richard Mesa)
-
Angkas posibleng mag-operate muli
Ang motorcycle back-riding na Angkas ay papayagan muling mag-operate “in principle” pending health safety guidelines na kanilang dapat gagawin na ipinapatupad ng Inter-Agency Task Force for the Management of Emerging Infectious Diseases (IATF) upang labanan ang paglaganap ng COVID -19. Sa ilalim ng Resolution No. 47, ang IATF, ay inatasan ang Department of Transportation […]
-
LeBron, hindi na rin maglalaro sa Tokyo Olympics
Idineklara ni NBA superstar LeBron James na hindi na rin siya maglalaro sa nalalapit na Tokyo Olympics sa buwan ng Hulyo. Ginawa ni James ang pahayag matapos na eliminated na ang Los Angeles Lakers sa NBA playoffs nang masilat ng Phoenix Suns sa loob ng anim na laro sa first round. […]
-
ENRIQUE, kinilig nang tinanong ng diretso ni MATTEO kung kailan sila magpapakasal ni LIZA
KINIKILIG si Enrique Gil sa naging podcast interview ni Matteo Guidicelli sa kanilang dalawa ng girlfriend na si Liza Soberano. Tinanong kasi ng diretso ni Matteo ang mga ito kung kailan daw pakakasal. Then, nagbigay pa ito ng assurance kina Liza at Enrique na tulad nga ng experience niya ngayong […]