Publiko walang dapat ikabahala sa financial system ng mga bangko sa PH – BAP
- Published on July 3, 2020
- by @peoplesbalita
Tiniyak din ng Bankers Association of the Philippines (BAP) na walang dapat ikabahala ang publiko sa mga bangko dahil matibay umano ang financial system sa bansa.
Ginawa ng mga grupo ng mga bangko ang pahayag kasunod nang nabulgar na pamemeke ng ilang junior officer kung saan nakaladkad ang BDO Unibank at Bank of the Philippine Islands.
Una nang nadamay ang naturang dalawang bangko sa tinaguriang pinakamalaking accounting scandal sa Germany na kinasangkutan ng Wirecard.
Maging ang Bangko Sentral ng Pilipinas ay nagsabi na rin na hindi pumasok sa Pilipinas ang sinasabing nawawalang $2.1 billion at ginawang cover-up lamang ang naturang mga bangko.
Ayon sa BAP meron mang mga personalidad na magtatangkang mag-falsify ng mga dukumento pero hindi sila basta-basta makakalusot bunsod nang nakalatag na mabusising beripikasyon o tinatawag na due diligence ng mga bangko.
Binigyang diin pa ng Bankers Association na walang dapat ipag-alala ang publiko dahil sa mahigpit ang mga patakaran na kanilang ipinapatupad sa mga bank certifications.
“The BAP assures the public that the country’s financial system is sound and that very strict rules regarding the issuance of bank certifications are in place,” bahagi pa ng statement ng BAP. “Some individuals may try to forge or falsify these documents, but their authenticity can be readily ascertained through careful scrutiny or verification by the appropriate institutions.”
-
UN pinaghahanda ang mundo sa El Niño, bagong heat records
NAGBABALA ang United Nations (UN) tungkol sa lumalaking posibilidad na magkaroon ng bagong heat records dahil sa weather phenomenon na El Niño na mararanasan sa mga susunod na buwan. Sa ulat ng Agence France-Presse, inihayag ng World Meteorological Organization ng UN ang 60% na posibilidad na ang El Niño ay mag-develop sa katapusan […]
-
Philippines coast, inilagay sa ilalim ng Dark Vessel detection system ng Canada
PINAYAGAN na ang Ottawa, Canada na tulungan ang Maynila na i-monitor ang coastal waters at high seas nito gamit ang Canadian satellite surveillance program. Ito’y matapos na kapwa tintahan ng Pilipinas at Canada ang isang kasunduan ukol dito. Ayon sa Department of Foreign Affairs (DFA), ang Dark Vessel program ng Canada […]
-
Pinay figure skater Sofia Frank nagtapos ng pang-22 sa 2022 World Junior Figure Skater
NAGTAPOS sa pang-22 si Filipina skater Sofia Frank sa 2022 World Junior Figure Skater Championship na ginanap sa Estonia. Umabot sa 53.86 points ang kabuuang natamo ng 16-anyos na skater. SA kanyang kabuuang 43 competitors ay mayroong 137 points ang kaniyang natamo na naging pang-22 ang puwesto nito. Nagwagi […]