1 compound sa Navotas, 2 linggong ni-lockdown
- Published on January 28, 2021
- by @peoplesbalita
ISANG compound sa Lungsod ng Navotas ang isinailim sa dalawang linggong lockdown matapos magkaroon ng apat na residenteng nagpositibo sa COVID-19.
Ayon kay Mayor Toby Tiangco, nagsimulang ipatupad ang lockdown sa compound sa Manalaysay St., Brgy. San Roque alas-8:01pm January 25, 2021 hanggang 11:59pm ng February 8, 2021.
Layon nito mapigilan ang hawaan ng virus sa lugar kung saan nakapagtala rin aniya ang lungsod ng13.46% growth rate sa mga kaso nito sa pagitan lamang ng dalawang lingo.
May 13 namang mga close contact na dinala na sa isolation facility ng lungsod habang bibigyan naman ng mga relief packs ang mga residenteng apektado ng lockdown.
“Mag-iisang taon na po ang problema natin sa COVID-19 pero di po tayo magsasawang magpaalala na dapat sundin natin ang safety measures: pagsusuot ng face mask, paghuhugas ng mga kamay, pagdistansya ng 1-2 metro mula sa iba, at pananatili sa bahay hanggang maaari. Sa ating pakikiisa, matatapos din ang pandemya”, paalala ni Tiangco.
Sa ulat ng City Health Office as of January 26, 2021, umabot na sa 5,594 ang tinamaan ng COVID-19 sa lungsod, 79 dito ang active cases habang nasa 5,342 na ang mga gumaling at 173 naman ang mga namatay sa naturang sakit. (Richard Mesa)
-
Opisyal ng PhilHealth nagbitiw sa puwesto
Nagbitiw sa kaniyang puwesto ang anti-fraud legal officer ng Philippine Health Insurance Corporation (PhilHealth) na si Atty. Thorrsson Montes Keith. Sa kanyang resignation letter na isinumite kay PhilHealth president at CEO Ricardo Morales, isinaad nito na ang dahilan ng pagbitiw niya sa puwesto ay dahil sa hindi makatarungang job promotion process. Kasama rin […]
-
1-week academic healthbreak sa mga paaralan sa Maynila, iniutos ni Yorme
INUMPISAHANG ipatupad kahapon, Biyernes ng Pamahalaang Lungsod ng Maynila ang isang linggong ‘healthbreak’ sa mga paaralan sa siyudad upang makapagpahinga umano ang mga guro at mag-aaral. Inanunsyo ni Manila City Mayor Isko Moreno ang ‘healthbreak’ umpisa Enero 14 hanggang Enero 21 sa lahat ng lebel ng mga pampubliko at pribadong paaralan. […]
-
31st Southeast Asian Games pormal nang nagsara sa isang makulay at magarbong programa
MAKALIPAS ang mahigit dalawang linggo, pormal na ring isinara kagabi doon sa Hanoi, Vietnam ang 31st Southeast Asian Games sa isang makulay at magarbong programa. Isinagawa ang selebrasyon sa indoor sports complex ng Vietnam na may capacity na 3,000 katao. Ito ay sinabayan naman ng pagbuhos ng ulan sa labas ng […]